Veroordeelde kaper, smokkelaar kry 53 jaar tronkstraf

’n Veroordeelde kaper en smokkelaar is 53 jaar tronkstraf opgelê vir aanklagte van onder meer moord, roof met verswarende omstandighede en ontvoering.

HY HET 53 JAAR TRONKSTRAF OPGELê VIR MOORD, ROOF EN ONTVOERING

Sipho “Smirnoff” Mhlanga is saam met sy makkers by die Ingwavuma-landdroshof gevonnis.

LEES VOLGENDE: Ramaphosa amptelik weer ingesweer as president van Suid-Afrika

Mhlanga is in Augustus 2023 in hegtenis geneem deur ‘n nasionale taakspan in die noorde van KwaZulu-Natal, wat ontplooi is om oorgrensmisdade hok te slaan.

SMIRNOFF IS IN 2023 IN HEGTENIS GENEEM

Die 37-jarige is verbind met ‘n kapingssindikaat wat gesteelde voertuie van Suid-Afrika na Mosambiek smokkel.

Tot op hede het die taakspan wat in Februarie 2023 ontplooi is 276 verdagtes gearresteer.

HY IS OOK VERBIND MET ‘N KAPINGSSINDIKAAT

Tot 150 gesteelde of gekaapte voertuie is teruggevind en ongeveer 135 daarvan is aan hul wettige eienaars terugbesorg.

In ander nuus, ondersoek die polisie die moord van ‘n geliefde boer van Newcastle wat Donderdagaand op sy plaas in Newcastle deur vyf gewapende verdagtes aangeval is.

DIE AANVAL HET DONDERDAGAAND PLAASGEVIND

Volgens polisie woordvoerder Kol. Robert Netshiunda is die 63-jarige Tollie Nel tydens dié aanval op sy plaas doodgeskiet.

Die verdagtes het met ‘n onbekende bedrag geld en vuurwapens van die toneel gevlug.

TOLLIE SE HOND IS OOK IN DIE AANVAL BESEER

Die aanval het glo tussen 19:00 en 20:00 op die plaas op die R34-pad tussen Newcastle en Utrecht gebeur. ‘n Gesamentlike soektog na die verdagtes is geloods.

Die vyf verdagtes het na bewering balaklawas aangehad toe Nel oorval is. Hulle het te voet gevlug.

Lees ook: Geliefde Newcastle boer op plaas beroof en vermoor