Randburg: Twee mense buite landdroshof doodgeskiet

Die twee mense, ‘n vrou en haar man, het Woensdag, 8 November na die Randurg landdroshof gestap toe ‘n man uit ‘n voertuig gespring en hulle geskiet het, volgens Times Live.

SLAGOFFER WAS ‘N GETUIE

Die vrou was ‘n getuie in ‘n verhoor teen vier polisiebeamptes wat aangekla word vir aanranding met die doel om ernstig te beseer, volgens Times Live. Die slagoffer sou vandeesweek gekruisondervra word nadat hy verlede week in hofsaak getuig het. Die vier beskuldigde polisiebeamptes is van die Midrand-polisiestasie. Hulle is gevra om hul selfone en wapens in te handig vir toetsing. Hulle is ook gevra om in te stem tot kruitrestetoetse op hul liggame en gewere.

Verdere besonderhede oor die aanrandingsaak is in hierdie stadium onduidelik.

LEES OOK: Het Julius Malema en die EFF R300 000 aan Afriforum betaal?

VERDAGTES

“Daar word berig dat die verdagtes in ‘n swart Mercedes Benz gery het. Die motief vir die moord kan nie op dié stadium bevestig word nie. Die slagoffers is op die toneel dood verklaar. ‘n Saak van moord word ondersoek,” het kolonel Mavela Masondo, polisiewoordvoerder, aan Sowetan Live gesê.

Forensiese beamptes het die toneel buite die Randburg-landdroshof vir bewyse gefynkam.

Die twee slagoffers het Woensdagoggend na die hof gestap toe ‘n verdagte hulle genader het, ‘n vuurwapen uitgehaal en voortgegaan het om hulle te skiet. Die voorval het omstreeks 07:00 plaasgevind.

Die egpaar is nog nie geïdentifiseer nie. Dit blyk dat daar onsekerheid bestaan oor hoeveel verdagtes betrokke was. Meer besonderhede oor die skietery sal nog bekend gemaak word.

Die polisie doen ‘n beroep op enigiemand wat inligting kan hê wat in die ondersoek kan help om hul naaste polisiestasie te kontak.

LEES OOK: Minister van Elektrisiteit praat oor pogings om beurtkrag-intensiteit te verminder

KLIK HIER OM NOG ARTIKELS DEUR MARZANNE JANSE VAN RENSBURG TE LEES