Twee aangekeer oor Glen-plaasmoorde

Die polisie het twee vermeende plaasaanvallers is in hegtenis geneem vir die moorde van Christo Morrison (76) en sy vrou, Christa (73). 

DIE TWEE IS VRYDAG AANGEKEER IN BLOEMHOF

Volgens polisiewoordvoerder sersant Mahlomola Kareli het die provinsiale eenheid vir ernstige en gewelddadige misdaad het Vrydagmiddag omstreeks 14:00 inligting ontvang oor waar die verdagtes hulself bevind.

“Die span het met Welkom se taktiesereaksie-eenheid saamgewerk en na ʼn gastehuis in Bloemhof ontplooi. Twee mans, onderskeidelik 26 en 39 jaar oud, is in hegtenis geneem. Hulle het twee selfone, wat aan die slagoffers behoort het, in hul besit gehad.”

Lees ook: Bejaarde egpaar vermoor in plaasaanval

Kareli sê die twee verdagtes sal binnekort in die Bloemfontein-landdroshof verskyn op aanklag van huisroof en twee aanklagte van moord.

DIE TWEE WORD AANGEKLA VAN MOORD EN HUISROOF

Intussen het Lt.genl. Baile Motswenyane, provinsiale polisiekommissaris, het die span geloof vir hul uitnemende ondersoekwerk en die gemeenskap bedank vir die verskeie oproepe wat ontvang is met inligting.

Volgens Kareli het ‘n bekommerde buurman het die Glen-polisie vroeeër die maand ontbied nadat hy nie die bejaarde egpaar telefonies in die hande kon kry nie.

 “In die huis was daar bloed op die vloer. Die opstal is geplunder, maar die bejaarde egpaar was nie daarbinne nie,” sê hy.

Lees ook: Ma kap glo 18-jarige seun in rolstoel se kop af

IN DIE HUIS WAS DAAR BLOED OP DIE VLOER

‘n Soektog vir die egpaar is geloots. 

Volgens Kareli is die man se liggaam sowat 300 m weg van die plaashuis gekry. Sy vrou se liggaam is in ʼn septiese tenk op die plaas aangetref.

Albei slagoffers het oop wonde aan die bolyf gehad en hulle is op die toneel dood verklaar. Gereedskap en elektroniese items is onder meer uit die huis gesteel. 

DIE VROU SE LIGGAAM IS IN DIE SEPTIESE TENK OP DIE PLAAS GEKRY

Die bejaarde egpaar se Toyota Land Cruiser is naby Majwemasweu by Brandfort gevind.