Agt nuwe reptielspesies deur SA wetenskaplikes ontdek
Wetenskaplikes in Gqeberha, in die Oos-Kaap het agt nuwe reptielspesies ontdek. Hier is meer inligting oor die ontdekking.
Agt nuwe reptielspesies is deur wetenskaplikes in Gqeberha, in die Oos-Kaap ontdek.
CONRADIE SE BAANBREKERNAVORSING HET DIE NUWE SPESIES OPGELEWER
Dr. Werner Conradie, ʼn natuurbewaarder vandie Oos-Kaap, se baanbrekersnavorsing in die Okavango-delta in Botswana het nie net agt nuwe spesies opgelewer nie, maar ook ʼn dieper begrip gebring van dié gebied se uiterste belang vir mense- en dierelewe.
Volgens berigte hoop hy sy werk sal bydra tot die beskerming van die kosbare en unieke natuurgebied.
HY HET DIE GROOTSTE DEEL VAN SY LEWE IN DIE KAROO GEBLY
Luidens ʼn verklaring deur dié universiteit het Conradie die grootste deel van sy lewe op Willowmore in die Karoo gewoon en later verhuis na Uniondale, waar slange aanvanklik nie sy eerste liefde was nie.
Sedert sy aanstelling by Bayworld in 2007 het hy egter in slange begin belangstel.
Lees ook: Bejaarde egpaar vermoor in plaasaanval
Hy is die kurator van die herpetologie afdeling by Bayworld, ʼn natuur- en kultuurhistoriese museum in Gqeberha.
CONRADIE IS TANS ‘N KURATOR BY BAYWORLD
Volgens ‘n berig deur Maroela Media het Conradie sy doktorsgraad in natuurbewaring het hy op 5 April op die George-kampus van die Nelson Mandela Universiteit ontvang.
Sy tesis, “Herpetofaunal diversity and affiliations of the Okavango River Basin, with specific focus on the Angolese headwaters”, fokus hoofsaaklik op die taksonomie van amfibieë en reptiele van Suider-Afrika.
DIE NAVORSING IS GEFOKUS OP DIE OOS-KAAP, MOSAMBIEK EN ANGOLA
Die navorsing is gefokus op drie hoof geografiese gebiede: die Oos-Kaap van Suid-Afrika, noordelike Mosambiek en Angola.
Hy beskryf die Okavango-delta as ʼn gebied wat ryk is aan biodiversiteit en een van die gebiede in die wêreld met die grootste bevolking van olifante.
Die delta-omgewing is afhanklik van water uit Angola, wat deur Angola en Namibië vloei.
Lees ook: Ma kap glo 18-jarige seun in rolstoel se kop af
‘DIE AGT NUWE SPESIES WAT ONS GEVIND HET, WAS AMPER PER ONGELUK’
Volgens Conradie is daar kommer oor ʼn afname in die hoeveelheid water wat in die gebied invloei, asook oor ʼn vertraging in seisoenale oorstromings en ʼn daling in die voëlbevolking.
“Ons wou uitvind wat dit veroorsaak. Die agt nuwe spesies wat ons gevind het, was amper per ongeluk,” het hy gesê.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
