Soektog na vermiste vrou eindig tragies

Die vrou wat twee weke lank vermis was se liggaam is Maandag op die rotse naby ʼn strand tussen Kampsbaai en Llandudno in die Wes-Kaap gevind is.

SY IS VERLEDE MAAND LAAS GESIEN IN KRAAIFONTEIN

Die 53-jarige Jennie (Jennifer Jane) Scala (53), is die laaste keer op 28 Mei gesien toe sy Belmontpark in Kraaifontein op dié dag omstreeks 22:40 in haar rooi Volkswagen Golf verlaat het.

Volgens ‘n berig deur Maroela Media is daar ʼn uitgebreide soektog na haar onderneem.

SCALA SE MOTOR IS VYF DAE LATER GEVIND

Plakkate en kennisgewings op Facebook geplaas waarin mense gevra is om na haar te help soek.

Haar motor is vyf dae later deur kennisse by Houtbaai gevind en dít het die soekgebied verklein.

Lees ook: Universiteit Stellenbosch rektor stel voor dat Wilgenhof manskoshuis gesluit word

Elmarie Lourens, ʼn vriendin, het Scala beskryf as ʼn fantastiese, oulike, spontane en vriendelike mens wat sy nooit kwaad gesien het nie.

HAAR LIGGAAM HET VROEëR DIE WEEK UITGESPOEL

Polisiewoordvoerder, Sers. Wesley Twigg, sê ʼn soekspan het op Scala se liggaam afgekom.

ʼn Geregtelike doodsondersoek word gedoen.

Intussen in ander nuus, is drie kinders en een volwassene by ‘n haarkapper in Khayelitsha in die Wes-Kaap doodgeskiet.

DIE SKOKKENDE VOORVAL HET IN DIE WES-KAAP PLAASGEVIND

ʼn Groep gewapende mans het ʼn haarkapper binnegestorm en op die mense losgebrand.

Lees ook: Giftige slange word op Plettenbergbaaistrande ontdek ná rowwe seetoestande

Kol. Andrè Traut, polisiewoordvoerder, sê die voorval het omstreeks 16:00 plaasgevind.

“Twee kinders, onderskeidelik 11 en 12 jaar oud, asook ʼn volwassene van 30 jaar oud, is op die toneel dood verklaar. Nóg drie kinders is in die voorval beseer en dadelik na die naaste hospitaal vir mediese behandeling geneem. “

DIE VERDAGTES HET GEVLUG

Hy sê die verdagtes het van die toneel gevlug en is nog nie in hegtenis geneem nie.