Die Britse Groot-Ouer Visum: Hoe om joune te kry

Die Britse Groot-Ouer Visum is steeds een van die gewildste visums vir Suid-Afrikaners wat in die Verenigde Koninkryk wil woon en werk. Om te kwalifiseer moet ‘n persoon egter ‘n Britse groot-ouer hê.

Die visum het baie voordele. Daar is byvoorbeeld geen werksbeperkings nie. Die beste van alles is dat die visum lei tot Britse burgerskap!

Vir meer inligting oor hoe om te kwalifiseer, kan lesers HIERDIE SKAKEL volg.

Algemene vrae oor die Groot-Ouer Visum

Die konsultante by Breytenbachs het ‘n gids opgestel, vir die lesers van Die Suid-Afrikaner, wat van die mees algemene vrae oor die gewilde visum beantwoord.

Aansoekers uit Zimbabwe

Alhoewel Zimbabwe nie meer deel is van die Statebond nie, word hulle deur die “Home Office” as sodanig behandel as hulle wil aansoek doen vir die Groot-Ouer Visum.

Zimbabwiese burgers met ‘n ouma of oupa wat in die VK gebore is, kan dus aansoek doen vir die Britse Groot-Ouer Visum, mits hulle natuurlik ook aan die ander vereistes voldoen.

Tweede Groot-Ouer Visum

Die Groot-Ouer Visum is geldig vir vyf jaar. Na vyf jaar in die VK op hierdie visum, behoort jy te kan kwalifiseer om aansoek te doen vir permanente verblyf. As die aansoeker nie kwalifiseer nie, is dit moontlik om vir ‘n verlenging van die visum aansoek te doen.

In sommige gevalle verlaat persone die VK voordat hulle vir permanente verbly kwalifiseer, en hulle visum verval. In sulke gevalle is dit moontlik om van buite die VK aansoek te doen vir ‘n nuwe Groot-Ouer visum.

Ouderdomsbeperkings

Baie mense is bekommerd dat daar ‘n ouderdomsbeperking op die Groot-Ouer Visum is.

Die goeie nuus is dat jy 17 jaar of ouer moet wees om aansoek te doen. Daar is geen boonste ouderdomsbeperking nie!

Jy moet egter van voornemens wees om te werk en die vermoë het om te werk, wanneer jy aansoek doen.

Afgetrede persone kan gerus met Breytenbachs gesels, aangesien daar wel maniere is om te bewys jy het genoeg aftreefondse, en kan vrywillige werk doen. Kontak ons gerus by info@bic-immigration.com vir meer inligting hieroor.

Aangenome kinders en Stiefkinders

Breytenbachs het verskeie kliënte wat navraag doen of die Groot-Ouer Visum slegs deur bloedverwantskap kan wees. Die goeie nuus is dat persone ook vir die visum kan kwalifiseer as hulle aangeneem is, of as die ouer deur wie hulle afstam ‘n aangenome kind is. Dit maak ook nie saak as die kind buite-egtelik gebore is nie.

Dit is egter nie moontlik om VK-bande deur stiefouers te bewys nie.

Engelse Taalvereiste

Daar is geen Engelse taalvereiste betrokke by die aansoek vir ‘n Groot-Ouer Visum nie.

Jy moet egter bewys van jou Engelse taalvaardighede verskaf wanneer jy aansoek doen vir permanente verblyf in die VK, na vyf jaar.

Egskeiding of Verbrokkeling van ‘n Verhouding

In gevalle waar die verhouding tussen ‘n lewensmaat/eggenoot en die hoofvisumhouer verbreek is voordat die afhanklike aansoek kon doen vir permanente verblyf, sal hy/sy na ‘n ander visum moet oorskakel.

As daar geen ander visum opsies beskikbaar is vir die afhanklike lewensmaat/eggenoot nie, sal hy/sy na die land van geboorte moet terugkeer.

Ons beveel egter sterk aan dat jy advies inwin in gevalle waar die verhouding opbreek voordat permanente verblyf verkry is.

Hoe Breytenbachs jou kan help

Indien jy enige verdere inligting benodig of vir jou Britse visum wil aansoek doen, moenie huiwer om ons te kontak nie. Breytenbachs help reeds sedert 1998 ons landgenote met hulle immigrasie-behoeftes. Vir die beste kans op ‘n suksesvolle Britse visum aansoek, kontak ons gerus!

Besoek ons webblad by www.bic-immigration.com of epos ons by info@bic-immigration.com

Vrywaring

Neem kennis dat die inligting in hierdie artikel nie professionele advies is nie. Dit word slegs vir algemene inligtingsdoeleindes verskaf sonder enige waarborge van enige aard, hetsy uitdruklik of stilswyend.

LEES VOLGENDE: Wenke om voor te berei vir die verlenging van jou Eggenootsvisum