Wat is die verwagte veranderinge aan die Britse Immigrasie Reëls?

Breytenbachs verwag grootskaalse veranderinge aan die Britse Immigrasie reëls in die Europese Lente van 2024. Hoewel die konsep- immigrasiereëls nog nie gepubliseer is nie, het Breytenbachs navorsing gedoen en na amptelike verklarings van die Britse parlement gekyk om te probeer bepaal wat die impak daarvan op ons kliënte en lesers sal wees.

Wat ons verwag van die Britse Immigrasie Reëls

Visums vir Gesondheidswerkers en Versorgers (Health and Care Worker Visa)

Die Britse regering beoog om reëls voor die Britse Parlement te lê op 19 Februarie 2024 wat vanaf 11 Maart 2024 van krag sal wees. Vanaf hierdie datum sal die volgende veranderinge na verwagting in werking tree:

• Sorg- en senior versorgers sal nie meer hul afhanklikes (lewensmaats en kinders) na die VK kan bring nie.
• Firmas wat versorgers in diens neem om in die VK te werk moet deur die Britse Care Quality Commission gereguleer word.

LEES OOK: Hoe om jou finansies te hanteer wanneer jy emigreer

Die goeie nuus is dat die nuwe reëls nie versorgers sal beïnvloed wie se afhanklikes reeds in die VK is nie. Breytenbachs beveel aan dat versorgers wat hul afhanklikes na die VK wil bring, hul aansoeke indien voor die nuwe reëls in werking tree op 11 Maart 2024. Breytenbachs beveel ook aan dat firmas wat versorgers borg, met Breytenbachs in aanraking kom om te verseker dat hulle voldoen aan die nuwe borgskapvereistes.

Visums vir Geskoolde Werkers (Skilled Worker Visa)

Die Britse regering beoog ook om reëls wat die roete vir Geskoolde Werkers gaan beïnvloed voor die Parlement te lê op 14 Maart 2024. Hierdie reëls sal na verwagting vanaf 4 April 2024 van krag wees. Dit behels dat die minimum inkomste vereiste sal styg van £26,200 tot £38,700.

Die goeie nuus is dat aansoekers op die Gesondheids- en Versorger- Visumroete van hierdie nuwe minimum inkomste-vereiste vrygestel sal wees. “National Pay Scale Occupations” sal ook vrygestel wees van die hoër minimum inkomste vereiste.

LEES OOK: Maklikste lande as jy na Europa wil EMIGREER

Tekorteberoepe-lys (Shortage Occupation List – SOL)

Die Migrasie Advieskomitee (MAC) doen tans ‘n hersiening van die Tekortberoepe-lys (SOL) om te bepaal watter beroepe by ‘n nuwe Immigrasie-salarislys gevoeg moet word. Hierdie lys sal die SOL vervang. Ons verwag dat die Immigrasie-salarislys vanaf begin April 2024 van krag sal wees.

Die regering beplan ook om reëls voor die Parlement te lê wat die SOL beïnvloed vanaf 14 Maart 2024. Hierdie reëls sal tot gevolg hê dat die 20% marktariefkorting vir beroepe op die SOL geskrap word. Dit sal egter ook tydelik enige beroepe wat deur die MAC aanbeveel word, byvoeg tot die nuwe Immigrasiesalarislys.

LEES OOK: Britse visums word eksklusief deur VFS Global verwerk

Familievisums (Familielede van Persone Gevestig in die VK of Britse Burgers)

Die Britse regering beoog om reëls wat Familievisums beïnvloed voor die Parlement te lê op 14 Maart 2024. Hierdie reëls sal vanaf 11 April 2024 van krag wees.

• Die nuwe minimum inkomste vereiste vir familievisums sal styg tot £29,000.
• Die nuwe minimum inkomste sal geleidelik verhoog word tot £34,500, en teen die begin van 2025 na £38,700.

Breytenbachs wil spesifiek die volgende beklemtoon en aanbeveel ten opsigte van Familievisums:

• Aansoeke onder die Familiebylae FM, ingedien voor 11 April 2024, sal voortgaan om onderhewig te wees aan die ou finansiële vereistes en sal nie (onmiddellik) geraak word deur die nuwe hoër minimum inkomstevereiste nie.
• Mense wat sekere voordele ontvang, is onderhewig aan ‘n ander en minder streng finansiële vereiste.
• Indien daar buitengewone omstandighede is, kan daar aan die finansiële vereistes op ‘n ander manier voldoen word.

LEES OOK: SA is een van die mees bekostigbare lande vir Britse beleggers

Verdere aanbevelings deur Breytenbachs

Breytenbachs verwag dat daar oorgangsbepalings sal wees vir migrante wat reeds in die VK op hierdie roetes is. Ons sal ons kliënte hieroor inlig sodra ons meer inligting ontvang.

Kliënte wat kwalifiseer om aansoek te doen vir ‘n visum as Geskoolde Werker of ‘n Familievisum, moet dringend aansoek doen onder die huidige reëls. Indien jy nou reeds kwalifiseer vir ‘n verlenging van jou visum, beveel ons ook aan dat jy so gou as moontlik met ons in aanraking kom.

Breytenbachs help reeds sedert 1998 ons landgenote met hulle immigrasie-behoeftes. Vir die beste kans op ‘n suksesvolle Britse visum aansoek, kontak ons gerus!

Besoek ons webblad – www.bic-immigration.com of epos ons by info@bic-immigration.com.

LEES OOK: Waarom emigreer talle Suid-Afrikaners na Isle of Man?