Wenke om voor te berei vir die verlenging van jou Eggenootsvisum

Die verligting en blydskap is baie groot wanneer iemand die aanvanklike VK eggenootvisum ontvang. Niemand begin dadelik daaraan dink om voor te berei vir die verlenging van jou eggenootsvisum nie.  Dit is egter baie wys om die vereistes vir die verlenging van die visum in gedagte te hou en die nodige dokumente dadelik te begin versamel. Voorbereiding sal verseker dat alles klopdisselboom verloop met die verlenging, en dat jou roete na Britse burgerskap glad verloop.

Die Immigrasiekonsultante by Breytenbachs het ‘n paar riglyne opgestel vir kliënte met VK eggenootvisum oor hoe om voor te berei vir die verlengingsaansoek.

Dit is egter baie belangrik om te onthou dat die Britse immigrasie reëls voortdurend verander, en dit is altyd goed om deurentyd in kontak te bly met jou Breytenbachs konsultant.

Wenke vir die verlenging van jou Eggenootsvisum

Stel vir jouself herinneringe

As alles glad verloop, behoort ‘n persoon te kan aansoek doen vir die verlenging van die VK eggenootvisum na 2, 5 jaar.  Dit is baie belangrik dat jy moet aansoek doen vir die verlenging van jou visum voor jou huidige visum verval.

Breytenbachs weet van mense wat heeltemal vergeet dat hulle visum verval, en sonder dat hulle dit besef het onwettig in die VK was.

Skryf die datum wat jou visum moet verleng word op jou kalender, stel vir jouself herinneringe op jou rekenaar en telefoon en vra familie of vriende om jou te help onthou!

Ons stel ook voor dat jy jou Breytenbachs konsultant kontak 6 maande voor jou visum verleng moet word, sodat ons kan seker maak alles is steeds reg vir die verlengingsaansoek.

Maak seker jy voldoen aan die finansiële vereistes

Wanneer jy aansoek doen vir die verlenging van jou VK eggenootvisum, moet jy weer aan die finansiële vereistes wat aan die aansoek gekoppel is, voldoen.

Die dokumente wat bewyse verskaf met betrekking tot die finansiële vereiste kan redelik omvattend wees. Die riglyne van die Home Office oor wat verskaf moet word en die finansiële vereistes kan van tyd tot tyd verander. Reël dus ‘n “opvolg” konsultasie met jou Breytenbachs konsultant 6 maande voor die verlenging van jou visum.

Bewyse van Saamwoon

Die Home Office vereis ook dat jy bewyse moet gee dat jy en jou eggenoot steeds saamwoon en in ‘n verhouding is.  

Daar is verskeie dokumente wat jy moet voorsien om aan die vereiste te voldoen. Die Home Office wil items van amptelike korrespondensie sien (bv. munisipale belastingrekeninge, bankstate, ens.). Dit kan afsonderlik geaddresseer word aan julle, solank dit dieselfde adres is.

Alle bankstate moet deur die bank gedruk word. Indien dit oorspronklike bankstate is, moet dit na die huisadres gestuur word.

Jou Breytenbachs konsultant sal vir jou ‘n volledige lys van dokumente gee wat jy solank kan versamel om aan die vereiste te voldoen.

Reisbeperkings

‘n Ander belangrike ding om in gedagte te hou, is om die tyd wat jy buite die VK reis dop te hou. Alhoewel die Home Office geen spesifieke beperkings stel op hoe lank jy buite die VK kan deurbring nie, is dit belangrik om daarop te let dat wanneer jy jou eggenootvisum-uitbreiding en daaropvolgende ILR-aansoeke indien, daar ‘n algemene vereiste is dat jy die Home Office moet kan bevredig dat jy en jou lewensmaat voornemens is om “permanent saam in die VK te woon”.

Indien jy voornemens is om in die toekoms vir Britse burgerskap aansoek te doen, is dit as ‘n baie algemene reël die beste om te probeer om nie vir meer as 90 dae per jaar gemiddeld te reis nie.

Hou dus volledige rekords van al jou reise.

Hoe Breytenbachs jou kan help

Indien jy enige verdere inligting benodig of vir jou Britse visum wil aansoek doen, moenie huiwer om ons te kontak nie. Breytenbachs help reeds sedert 1998 ons landgenote met hulle immigrasie-behoeftes. Vir die beste kans op ‘n suksesvolle Britse visum aansoek, kontak ons gerus!

Besoek ons webblad by www.bic-immigration.com of e-pos ons by info@bic-immigration.com

Vrywaring

Neem kennis dat die inligting in hierdie artikel nie professionele advies is nie. Dit word slegs vir algemene inligtingsdoeleindes verskaf sonder enige waarborge van enige aard, hetsy uitdruklik of stilswyend.

LEES VOLGENDE: Isle of Man: Gewilde Emigrasie Bestemming vir Suid-Afrikaners