Buurman kry tronkstraf vir verkrag van 5-jarige
‘n 31-Jarige buurman is onlangs tot 20 jaar tronkstraf vir die verkragting van ‘n meisie (5) gevonnis. Hier is meer inligting.
Die polisie sê ‘n 31-jarige buurman is onlangs tot 20 jaar tronkstraf vir die verkragting van ‘n meisie (5) gevonnis.
DIE SKOKKENDE VOORVAL HET IN 2022 PLAASGEVIND
Polisiewoordvoerder Kol. Malesela Ledwaba, die buurman het die dogtertjie op 11 Oktober 2022 twee keer verkrag.
Die meisie het saam met maats in die straat gespeel toe die buurman haar R1 vir lekkergoed gegee het.
Toe die meisie terugkeer, het hy haar weer geld gegee, haar na ‘n nabygeleë verlate huis geneem en verkrag.
DIE MAN HET DIE DOGTERTJIE R1 BETAAL EN HAAR NA SY HUIS GENEEM
Die meisie se ma is deur een van haar maats geroep en meegedeel die kind is saam met die buurman weg.
Sy het hulle gevolg en die man op heter daad betrap,wat die ma gesien en die meisie gelos het.
Die insident is aan die polisie gerapporteer en ‘n verkragtingsaak is deur sers. Thabitha Letlad van Groblersdal-GKS ondersoek. Die verdagte is opgespoor en in hegtenis geneem.
DIE MAN IS OP HETER DAAD BETRAP
Hy is 20 jaar tronk toe gestuur en onbevoeg verklaar om ‘n vuurwapen te besit.
Sy naam sal in die register vir nasionale seksuele oortreders aangeteken word.
Lt.genl. Thembi Hadebe het die vonnis verwelkom en die ondersoekbeampte vir die vonnisoplegging geprys.
Intussen ondersoek die polisie die moord van ‘n geliefde boer van Newcastle wat Donderdagaand op sy plaas in Newcastle deur vyf gewapende verdagtes aangeval is.
DIE AANVAL HET DONDERDAGAAND PLAASGEVIND
Volgens polisie woordvoerder Kol. Robert Netshiunda is die 63-jarige Tollie Nel tydens dié aanval op sy plaas doodgeskiet.
Die verdagtes het met ‘n onbekende bedrag geld en vuurwapens van die toneel gevlug.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
