Dudu Myeni sterf

Duduzile “Dudu” Cynthia Myeni (60), voormalige SAL-voorsitter en omstrede aangeklaagde van bedrog en korrupsie, het Vrydagaand gesterf.

DIE TRAGIESE NUUS IS SATERDAGMIDDAG BEVESTIG

Mzwanele Manyi, woordvoerder van die Jacob G Zuma-stigting, het die nuus Saterdagmiddag bevestig.

“Dit is met ʼn swaar hart dat ons aankondig dat die stigting se voorsitter, Dudu Myeni, gisteraand oorlede is.

“Die familie is steeds besig om die tragiese verwikkelinge te verwerk en sal geen medianavrae hanteer nie.

“Die stigting versoek die media om die familie se privaatheid in die moeilike tyd te respekteer.”

Intussen ondersoek die polisie die moord van ‘n geliefde boer van Newcastle wat Donderdagaand op sy plaas in Newcastle deur vyf gewapende verdagtes aangeval is.

DIE AANVAL HET DONDERDAGAAND PLAASGEVIND

Volgens polisie woordvoerder Kol. Robert Netshiunda is die 63-jarige Tollie Nel tydens dié aanval op sy plaas doodgeskiet.

Die verdagtes het met ‘n onbekende bedrag geld en vuurwapens van die toneel gevlug.

TOLLIE SE HOND IS OOK IN DIE AANVAL BESEER

Die aanval het glo tussen 19:00 en 20:00 op die plaas op die R34-pad tussen Newcastle en Utrecht gebeur. ‘n Gesamentlike soektog na die verdagtes is geloods.

Die vyf verdagtes het na bewering balaklawas aangehad toe Nel oorval is. Hulle het te voet gevlug.

POLISIE IS STEEDS OPSOEK NA DIE VERDAGTES

Nel se hond, wat beseer is, omdat hy hom tydens die aanval wou beskerm, is deur ‘n plaaslike veearts behandel.