Geliefde Newcastle boer op plaas beroof en vermoor

Polisie ondersoek die moord van ‘n geliefde boer van Newcastle wat Donderdagaand op sy plaas in Newcastle deur vyf gewapende verdagtes aangeval is.

DIE AANVAL HET DONDERDAGAAND PLAASGEVIND

Volgens polisie woordvoerder Kol. Robert Netshiunda is die 63-jarige Tollie Nel tydens dié aanval op sy plaas doodgeskiet.

Die verdagtes het met ‘n onbekende bedrag geld en vuurwapens van die toneel gevlug.

TOLLIE SE HOND IS OOK IN DIE AANVAL BESEER

Die aanval het glo tussen 19:00 en 20:00 op die plaas op die R34-pad tussen Newcastle en Utrecht gebeur. ‘n Gesamentlike soektog na die verdagtes is geloods.

Die vyf verdagtes het na bewering balaklawas aangehad toe Nel oorval is. Hulle het te voet gevlug.

POLISIE IS STEEDS OPSOEK NA DIE VERDAGTES

Nel se hond, wat beseer is, omdat hy hom tydens die aanval wou beskerm, is deur ‘n plaaslike veearts behandel.

Vroeër vanjaar is ʼn boervrou is op haar plaas in die Wasbank-omgewing in KwaZulu-Natal aangeval terwyl haar man in die kerk was.

BOERVROU TYDENS WASBAND-PLAASAANVAL AANGERAND

Volgens ‘n berig deur Maroela Media is Aletta Potgieter (69) Sondagoggend deur vier mans oorrompel en aangerand.

Haar man, Jannie (67) was glo ten tyde van die aanval by die kerk.

HAAR MAN WAS GLO IN DIE KERK TEN TYDE VAN DIE AANVAL

Die egpaar woon al ongeveer 15 jaar op die plaas Doornhof.

LEES OOK: Bekende Mbombela-narkotiseur dood in woonstel gevind

Johan du Plessis, voorsitter van veiligheid vir die boerevereniging op Wasbank, het vir die publikasie gesê dat Aletta verskeie beserings in dié aanval opgedoen.

Du Plessis sê kort nadat Jannie omstreeks 08:30 die huis verlaat om kerk toe te gaan het agt jong mans op die plaas toegesak.