SA gaan die eerste Afrika-land word met gedeelde ouerskapverlof
’n Uitspraak deur ’n hooggeregshof bepaal dat albei ouers die reg moet hê op tyd af ná bevalling of aanneming.
Regter Roland Sutherland van die Johannesburgse hooggeregshof het beslis dat alle ouers geregtig is op vier maande “ouerskapverlof” volgens GroundUp .
FOUTE IN WET OP BASIESE DIENSVOORWAARDES
Die Wet op Basiese Diensvoorwaardes (WBDV) van SA het onder die loep gekom en dele daarvan is ongrondwetlik verklaar aangesien dit teen moeders en vaders, surrogaatouers en diegene wat kinders aanneem wat kraamverlof betref, diskrimineer. Regter Sutherland het die ongeldigheidsverklaring vir twee jaar opgeskort om die parlement tyd te gee om “die gebreke te genees”, soos gerapporteer deur GroundUp .
LEES OOK: Vaderskapverlof: Pa’s kan van volgende maand af tien dae verlof eis
GEBOORTE MOEDER VS ‘ANDER’ MOEDER
In sy uitspraak het Sutherland dit duidelik gemaak dat hy gekant is teen die onderskeid wat gemaak word tussen moeders en vaders, en tussen ‘n geboorte moeder en ander moeders of ouers.
“Op die veronderstelling dat die verlofregte en duur van verlof verskaf word vir die doel van die opvoeding van ‘n baba of kleuter, nie bloot om ‘n letterlike fisiologiese herstel van geboorte toe te laat nie, blyk dit duidelik dat die onderskeid wat in die WBDV gemaak word strydig met die doelstellings van die Grondwet en die norme inherent aan die Kinderwet,” het hy gesê.
Die regter het gesê dat die voorsiening van ‘n tydperk van tien weke verlof vir opdraggewende en aannemende “moeders” in teenstelling met ‘n tydperk van 16 weke verlof wat vir ‘n geboorte moeder voorsien word, irrasioneel is.
LEES OOK: Vaderskapverlof in SA: Wetsverandering kom ook met bykomende kraambonusse
WET NIE IN LYN MET GRONDWET NIE
The Guardian het berig Wessel van den Berg, MenCare-beampte by Equimundo, ’n geslagsgelykheidsorganisasie, het gesê: “Dit verhoog die lat op verlof vir ouers op ’n wonderlike manier. Ek is verheug dat ons wet meer in ooreenstemming met ons grondwet word.”
“Die reis is nog lank nie verby nie,” het Van den Berg gesê, “maar hierdie oordeel verteenwoordig ’n belowende stap in die rigting van ’n meer regverdige en gebalanseerde versorgingslandskap in Suid-Afrika.”
LEES OOK: Minister Nxesi: Ons is oop om die Wet op Gelyke Indiensneming te bespreek
KLIK HIER OM NOG ARTIKELS DEUR MARZANNE JANSE VAN RENSBURG TE LEES
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
