Suikerbelasting in SA: Wat is dit en gaan dit verhoog word?
Die belasting op suikerversoete drankies bekend as die Gesondheidsbevorderingsheffing (HPL) is in 2018 ingestel.
Die rede vir die implementering van die HPL (suikerbelasting) was om SA se suikerinname te verminder, met die hoop om diabetes en vetsugvlakke te verlaag.
WAT KENNERS SÊ
Volgens Business Tech het die Universiteit Stellenbosch navorsing gedoen wat dieetkundiges en ander sleutelrolspelers betrek het om die bewustheid en menings van die HPL te vestig. Die deelnemers was positief oor die HPL, hoewel die meeste van hulle saamgestem het dat die implementering van ‘n suikerbelasting alleen nie ‘n beduidende impak op vetsug sal hê nie. Vetsug word beskou as ‘n risikofaktor vir nie-oordraagbare siektes (NCD’s) soos hartsiektes. Baie van hulle meen die suikerbelasting moet verhoog word om ‘n merkbare impak op SA verbruikers se koopgedrag te hê.
Die Wêreldgesondheidsorganisasie (WGO) en ander internasionale owerhede beveel ‘n 20% HPL aan. Toe die departement van gesondheid in die verlede ‘n hoër suikerbelasting oorweeg het, was daar teenkanting van drankvervaardigers en verskeie sektore van die samelewing, volgens Daily Maverick .
LEES OOK: Wat is die 10 DUURSTE voorstede in Suid-Afrika?
MEER BELASTING OP SUIKER-VERSOETE DRANK
Die regering het onlangs die Wetsontwerp op Tariewe en Monetêre Bedrae en Wysiging van Inkomstewette gepubliseer, wat ‘n verhoging in die HPL insluit wat op 1 April 2025 in werking sal tree.
Die WGO het berig dat nasies met belasting op suikerversoete drank aansienlike voordele in hul openbare gesondheidstrategie en hul ekonomieë ervaar het. Die regering moet egter voortgaan om die voordele van die verhoging van die HPL en ander heffings op te weeg.
LEES OOK: Waarom emigreer talle Suid-Afrikaners na Isle of Man?
RIETKWEKERS ONGELUKKIG
Thomas Funke, die HUB van SA Canegrowers, het gesê die regering het herhaaldelik onderneem om die suikerbedryf en sy belanghebbendes te raadpleeg oor die doeltreffendheid van die heffing en die sosio-ekonomiese impak daarvan op die sektor, maar het dit volgens IOL nie gedoen nie.
“Die publikasie van die toename in die afwesigheid van sulke konsultasie is dus ’n slegte trou-stap deur die Nasionale Tesourie wat verreikende negatiewe implikasies vir die reeds sukkelende bedryf, sy belanghebbendes, en werkers regdeur die waardeketting sal hê,” het hy gesê.
LEES OOK: Emigreer jy uit SA? Maak eers skoon met SARS
KLIK HIER OM NOG ARTIKELS DEUR MARZANNE JANSE VAN RENSBURG TE LEES
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
