Vier bemanningslede oorleef botsing op see ná seiljagvaart
Die verlate en uitgespoelde seiljag is eindelik in die omgewing van Koffiebaai opgespoor. Hier is meer inligting.
Vier bemanningslede van ʼn seiljag met die naam Tipsy is Vrydagaand ná hul voltooiing van die bekende Vasco da Gama-seiljagvaart uit die see gered.
HULLE HET ONGEVEER ‘N SEEMYEL VAN DIE KUS TEëSPOEK OPGETEL
Dit kom nadat hul seiljag op pad huis toe teen ʼn houer op die oop see gebots en begin sink het.
Die vier bemanningslede, almal in hul 60’s, was van Oos-Londen onderweg na Durban toe hulle ongeveer ʼn seemyl van die kus af in die omgewing van Umngazana teëspoed opgetel het.
Stasiebevelvoerder van die Nasionale Seereddingsinstituut (NSRI) in Port Edward, Gert du Plessis, sê koördineerders van die Vasco da Gama-seiljagvaart het sy span 19:38 ontbied.
LEES OOK: André de Ruyter versprei na bewering misinformasie
DIE NSRI SPAN IN PORT EDWARD IS ONTBIED
Nadat die bemanning die koördineerders daarvan in kennis gestel het dat hulle aan’t sink is.
ʼn Ander seiljag, genaamd Zing, was toe in daardie stadium nog vier ure weg van die Tipsy.
Die bemanningslede – drie mans en ʼn vrou – het in ʼn stadium met behulp van selfone laat weet dat hulle die sinkende seiljag agtergelaat en in ʼn reddingsvlot geklim het.
Hulle het bevestig dat hulle koud maar veilig is en is gevolglik aangesê om slegs een selfoon aangeskakel te hou in ʼn poging om batterye te bespaar terwyl daar na hulle gesoek word.
DIT WAS NIE ‘N MAKLIKE TAAK OM HULLE OP TE SPOOR NIE
Dit was egter nie ʼn maklike taak om hulle op te spoor nie. Daar is aanvanklik bepaal dat die vier hulself sowat 55 seemyl van Port Edward in die omgewing van Port St. Johns bevind.
Hul reddingsvlot het egter deur die loop van die nag weens reëntoestande en tot 2 m deinings al verder weggedryf en daar is behoorlik kopgekrap oor waar kon wees.
Die bemanning is in ʼn stadium opdrag gegee om ʼn rooi 1 000 voet- noodfakkel af te vuur. Bemanning van die NSRI Port Edward het die vlam opgemerk en besef dat die reddingsvloot baie verder suid is as wat aanvanklik bepaal is.
DIE VERLATE EN UITGESPOELDE SEILJAG IS EINDELIK NABY KOFFIEBAAI OPGESPOOR
Die verlate en uitgespoelde seiljag is eindelik in die omgewing van Koffiebaai opgespoor en die bemanning is aangesê om nóg ʼn noodfakkel af te vuur.
Die bemanning is eindelik om 01:23 sowat 1 seemyl verder opgespoor. Die bemanningslede was koud en dors maar ongedeerd.
“Met aankoms by Port Edward het die NSRI Shelly Beach-reddingsvaartuie afskeid geneem en voortgegaan in die rigting van Shelly Beach en om 07h09 by hul NSRI Shelly Beach-stasie 20-reddingsbasis aangekom.”
het Du Plessis gesê.
DIE BEMANNING WAS KOUD EN DORS
Du Plessis sê paramedici, van Med-Evac ambulansdienste, het die vier bemanning vir hipotermie en hidrasie behandel, asook medies ondersoek – hulle het geen verdere mediese sorg nodig gehad nie.
Hulle word geprys vir hul bystand.
“Die ongevalle-bemanning het by vriende by Port Edward bly voordat hulle na Durban terugkeer.”
Dit is steeds onbekend waar die drywende houer vandaan kom wat die ongeluk veroorsaak het.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
