Zakariyya: Rand Water bestuurder vermoor, CoJ Chief Whip beseer
‘n Bestuurder van Rand Water is onder mense wat by ‘n liefdadigheidsgeleentheid in Zakariyya, Gauteng, doodgeskiet is.
‘n Rand Water Bestuurder is een van die mense wat tydens ‘n liefdadigheidsgeleentheid by die Zakariyya Park-gemeenskapsaal in Johannesburg, Gauteng, doodgeskiet is.
Die voorval het Maandag, 29 Januarie 2024 gebeur tydens ‘n liefdadigheidsgeleentheid wat daarop gemik was om skoolskoene aan leerders in en om Lehae uit te deel.
RAND WATER BESTUURDER IN ZAKARIYYA DOODGESKIET
Steve Mabona, woordvoerder van die Gautengse departement van onderwys, het gesê inligting tot hul beskikking dui daarop dat die geleentheid deur die wyksraadslid en Rand Water by Zakariyya Park-gemeenskapsaal aangebied is.
Ongeveer 75 leerders van Laerskool Lehae, Laerskool Olifantsvlei, Moses Marne Missions Tegniese Skool en Elethu Themba Openbare Skool het dit bygewoon.
LEES OOK: Armoede in SA kan nie beveg word deur ANC se ‘mislukte’ herverdeling beleid
Mabona het gesê daar word beweer dat onbekende gewapende mans by die geleentheid losgebrand en drie mense geskiet het, insluitend die wyksraadslid en Sithembiso Zungu, die stadsraadshoofsweep van die Stad Johannesburg. Twee mense is dood verklaar, insluitend ‘n Rand Water-bestuurder.
Gelukkig is geen leerder of personeel tydens hierdie voorval beseer nie, al het hulle gesien hoe dit ontvou.
Matome Chiloane, LUR vir onderwys in Gauteng, het gesê hulle het psigososiale ondersteuning aan alle geaffekteerde skole gestuur om die nodige traumaberading te verskaf.
“Ons dra ons meegevoel oor aan die families van die oorledenes en wens die wyksraadslid ‘n spoedige herstel toe,” het hy gesê.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
