Wie gaan namens die DA onderhandel?
Wie is die DA se aangestelde onderhandelingspan wat in die komende dae koalisiegesprekke met ander partye, waaronder die ANC, sal lei?
Die DA se aangestelde onderhandelingspan wat in die komende dae koalisiegesprekke met ander partye, waaronder die ANC, sal lei is die volgende ses lede.
HIER IS DIE SES WAT NAMENS DIE DA GAAN ONDERHANDEL:
Helen Zille, voorsitter van die DA se federale raad, Ivan Meyer, federale voorsitter van die DA, Siviwe Gwarube, hoofsweep van die DA, Alan Winde, die DA se Wes-Kaapse premier, Tony Leon, ʼn voormalige leier van die DA, en die politieke strateeg Ryan Coetzee.
John Steenhuisen, leier van die DA, het Sondagaand gesê die party se federale bestuur het eenparig ʼn resolusie aanvaar om koalisiegesprekke met ander politieke partye te voer wat ʼn verbintenis tot die Suid-Afrikaanse Grondwet deel.
DIE PARTY SAL DAN OOR DIE PAD VORENTOE BESLUIT
Die DA se onderhandelingspan sal nou in die komende dae gesprekke voer voordat hulle aan Steenhuisen en die res van die DA se federale bestuur verslag sal doen.
Die party sal dan oor die pad vorentoe besluit. Steenhuisen sê die voorlopige gesprekke het ten doel om inligting in te samel oor die opsies tot die DA se beskikking indien hy Suid-Afrika van die sogenaamde oordeelsdag-koalisie wil red.
Lees ook: OVK bevestig dat min kiesers opgedaag het om te stem
‘ONS SAL NOU ONS BES DOEN OM PRESIES DIT TE DOEN’
Die DA het regdeur die verkiesingsveldtog onderneem om Suid-Afrika van ʼn koalisie tussen die ANC, EFF en MKP te red.
“Ons sal nou ons bes doen om presies dít te doen,” het Steenhuisen in ʼn voorafopgeneemde toespraak gesê kort voordat die Verkiesingskommissie die finale uitslag van die 2024- nasionale en provinsiale verkiesing verklaar het.
Steenhuisen het egter Suid-Afrikaners daarvan verseker dat die DA altyd in hul belang sal optree.
“Ons het uit die afgelope dertig jaar geleer dat daar verwoestende gevolge is wanneer
partybelange bo die nasionale belang gestel word.“Dus, as jy angstig of bang is oor hoe Suid-Afrika gaan lyk na aanleiding van hierdie ongekende
verkiesingsuitslae, wil ek jou gerusstel.“Die DA is hier vir jou, en ons neem die toekoms van jou en jou gesin ernstig op.”
het Steenhuisen gesê.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
