Swaar vonnisse vir Babita Deokaran se ses moordenaars

Die ses mans wat daarvan beskuldig is dat hulle die fluitjieblaser Babita Deokaran vermoor het, het Dinsdag in die Gautengse hooggeregshof in Johannesburg skuld beken op haar moord.

SWAAR VONNISSE VIR DIE SES MOORDENAARS

Hulle het Dinsdag elkeen ‘n stewige vonnis gekry.

LEES OOK: Babita Deokaran: AGT dinge om te weet oor die vermoorde gesondheidsbeampte

Polisiewoordvoerder kolonel Katlego Mogale het gesê die ses beskuldigdes:

• Phakamani Vincent Hadebe,
• Mhlangano Phinda Ndlovu,
• Sanele Mbhele,
• Siphakanyiswa Dladla,
• Zitha Radebe en
• Siphiwe Thabane Mazibuko is almal skuldig bevind en gevonnis

BABITA IS GESKIET EN VERMOOR NADAT SY DIE FLUIT OOR BEGROG GEBLAAS HET

Die 53-jarige Deokaran is op 23 Augustus 2021 doodgeskiet nadat sy die fluitjie oor beweerde bedrog en korrupsie by die Tembisa-hospitaal geblaas het. Sy is verskeie kere in haar bolyf geskiet. Die beampte, wat pas haar kind voor die skietery by die skool afgelaai het, is later die middag in die hospitaal dood. 

LEES OOK: Suid-Afrika gereed vir die eerste dag van BRICS-beraad

Drie dae ná die moord, 26 Augustus 2021, is ses mense vir die moord in hegtenis geneem ná ’n intensiewe spooroperasie. 

“Die ses het in die hof verskyn waar hul borgtog geweier is, en hulle is in aanhouding.”

Kolonel Katlego Mogale

LEES OOK: Babita Deokaran: SIU bevestig gesondheidsbeampte was ‘n getuie in PPE-ondersoeke

HIER IS DIE STERK VONNISSE

In die daaropvolgende hofproses het die beskuldigde vanmiddag skuld beken op die moord en is soos volg gevonnis:

• Phakamani Vincent Hadebe is vir moord tot twee-en-twintig (22) jaar gevangenisstraf gevonnis
• Mhlangano Phinda Ndlovu is vir moord tot ses (6) jaar gevangenisstraf gevonnis
• Sanele Mbhele is vir moord tot twee-en-twintig (22) jaar gevangenisstraf gevonnis
• Siphakanyiswa Dladla is vir moord gevonnis tot agt (8) jaar gevangenisstraf, vir die besit van ‘n vuurwapen en vir die besit van ammunisie saamgeneem vir doel van vonnis, sewe (7) jaar gevangenisstraf effektiewe vonnis vyftien (15) jaar gevangenisstraf
• Zitha Radebe is vir moord tot vyftien (15) jaar tronkstraf gevonnis
• Siphiwe Thabane Mazibuko is vir moord tot vyftien (15) jaar tronkstraf gevonnis.

Die nasionale hoof van die direktoraat vir prioriteitsmisdaadondersoek, luitenant-generaal Godfrey Lebeya het beide die ondersoek- en vervolgingspan toegejuig vir die uitstekende werk wat deur die hofverrigtinge vertoon is.

LEES OOK: Brics-beraad: Paaie om vandag te vermy