SA Rugby bevestig tragiese dood van ondersteuner tydens Bokke se trofeetoer

Die Bokke het ‘n toer met die Webb Ellisbeker deur Gauteng, Kaapstad, Durban en Oos-Londen onderneem nadat hulle die Wêreldbeker gewen het, en duisende mense het in die strate gestaan om die rugbywêreldbekerkampioene te verwelkom ná hul 12 -11 oorwinning teen Nieu-Seeland in die eindstryd in Frankryk.

LEES OOK | Die werkloosheidsyfer neem af in Suid-Afrika

Die nuus oor die tragiese ongeluk is hierdie week bekendgemaak

In ‘n tragiese situasie het SA Rugby Woensdag bevestig dat “SA Rugby in kennis gestel is van die dood van ‘n toeskouer na ‘n ongeluk met ‘n polisievoertuig tydens die laaste fase van die Rugby Wêreldbeker-trofeetoer.”

President, mnr Mark Alexander, het gesê: “SA Rugby is diep hartseer oor die nuus van ‘n tragiese voorval tydens die feesvieringe van Suid-Afrika se 2023 Rugby Wêreldbeker-oorwinningstoer.

“Ons betuig ons innige meegevoel met Minentle Noqhamka se familie en vriende nadat haar lewe so skielik kortgeknip is deur hierdie verskriklike ongeluk. Die Trofeetoer-viering was om die vreugde van sukses en oorwinning te deel om dit te laat eindig in hartseer vir hierdie gesin is aaklig. Ons deel die gesin se hartseer.”

LEES OOK | Brandstofprys: Desembersyfers lyk nog goed vir diesel en petrol