Bejaarde vrou sterf nadat haar vier honde haar aanval
’n Bejaarde vrou het ongelukkig aan haar beserings beswyk nadat sy deur haar vier honde in Limpopo aangeval is.
Die polisie in Limpopo het ’n doodsondersoek geopen nadat ’n bejaarde vrou deur haar vier honde aangeval is terwyl sy ’n besoeker teen die diere probeer beskerm het.
Die voorval het op Vrydag, 19 Januarie gebeur en die vrou is Maandag, 22 Januarie dood.
Suid-Afrikaanse Polisiediens (SAPD) woordvoerder in Limpopo, kolonel Malesela Ledwaba, sê op genoemde dag was die bejaarde vrou saam met haar dogter by haar huis toe hulle ‘n besoeker gehad het en die honde het hom probeer aanval het.
In die proses het die vrou tussenbeide gespring en die man probeer beskerm, maar haar honde het na haar gedraai en haar gebyt. Haar dogter het haar toe bygestaan, en die honde het weggedraai. Sy het egter beserings aan haar onderlyf opgedoen.
LEES OOK: Begrotingtoespraak sal op 21 Februarie 2024 plaasvind
Ledwaba het gesê die 78-jarige is eers Maandag, 22 Januarie vir mediese behandeling geneem, en ongelukkig het sy later die dag aan haar beserings beswyk.
“Die polisie is oor die voorval in kennis gestel en het ‘n saak van doodsondersoek geopen vir verdere ondersoeke,” het hy bygevoeg.
Troeteldiereienaars gewaarsku om versigtig te wees
Waarnemende polisiekommissaris in Limpopo, generaal-majoor Jan Scheepers, het gemeenskapslede, veral eienaars van troeteldiere, sterk aangeraai om versigtig te wees met honde om hulle en om nie ten volle te ontspan nie.
In 2023 was daar ‘n vlaag van voorvalle waar mense deur hul honde aangerand is, wat veroorsaak het dat sommige dood of ernstig beseer is.
LEES OOK: Sewe wenke om te verseker dat jy goed slaap tydens ‘n lang vlug
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
