Geen borgtog vir Werner de Jager

Werner de Jager, wat teregstaan op die moord op sy vrou, ds. Liezel de Jager, is Donderdag borgtog in die Amanzimtoti-landdroshof geweier.

GEEN BORGTOG VIR WERNER DE JAGER

Nie net het die hof het onder meer bevind Werner hou nie ‘n bedreiging in vir homself nie, maar ook vir sy twee minderjarige kinders.

LEES OOK: Soektog na vermiste 7-jarige van Saldanha

Werner, wat ingevolge ‘n hooggeregshofbevel toegang het tot die kinders, sal hulle moontlik kan intimideer, het die hof bevind.

HY HOU NIE NET ‘N BEDREIGING IN VIR HOMSELF NIE MAAR OOK VIR SY KINDERS

Die hof het gesê dit is duidelik dat hy nie geweet het sy kinders sal vir die staat kom getuig toe hy sy eedsverklaring afgelê het nie.

Werner weet dit egter nou en die hof is van mening daar is ‘n groot kans dat hy kan inmeng met dié getuies.

LEES OOK: Kruger Nasionale Park-werknemer deur hiëna gebyt

Volgens berigte het mense in die hof het spontaan hande begin klap toe sy borgtog geweier is.

MENSE IN DIE HOF HET SPONTAAN BEGIN HANDE KLAP

Liezel, destyds verbonde aan die NG Suidkus-gemeente, se liggaam is op 13 Oktober 2021 in die oprit van die pastoriewoning ontdek nadat sy gaan draf het.

Tydens sy borgtogaansoek het die hof gehoor alle vingers wys na Werner de Jager en dat hy die moord op sy vrou vooraf haarfyn beplan het. Volgens die staat het Werner en Liezel se huwelik verbrokkel.

LEES OOK: Hartverskeurend: Kruger-olifant doodgemaak te midde van gemeenskapschaos

LIEZEL SE LIGGAAM IS IN OKTOBER 2021 IN DIE OPRIT GEVIND

Die hof het ook gehoor die twee het in aparte kamers geslaap. Die egpaar is (op 18 Desember 2004) buite gemeenskap van goedere getroud en Werner was destyds in ʼn ernstige finansiële verknorsing en onder skuldberading.

Hy staan tans tereg op ʼn aanklag van moord met voorbedagte rade en twee aanklagte van bedrog.

WERNER HET NA BEWERING VERLEDE JAAR ‘N ONGELUK VEROORSAAK

Volgens berigte gaan ‘n klagte van strafbare manslag ook na verwagting bygevoeg word.

Dit hou verband met ‘n ongeluk in Koppies in die Vrystaat in 2023. Werner het na bewering op pad na Kroonstad roekeloos en nalatig gery en die dood van die twee onskuldige vroue, Bernice Eales en Linda Cornelia Eales, veroorsaak en drie ander slagoffers ernstig beseer.