Vodacom bevestig planne om 80 werkers af te dank
Vodacom beplan om sowat 80 poste in Suid-Afrika te sny om kostes te help verminder – en die vakbond Cosatu is nie gelukkig nie …
Vodacom Groep Bpk. beplan om sowat 80 werksgeleenthede in Suid-Afrika te sny om kostes te help verminder.
Volgens Bloomberg het Vodacom, wat Afrika se grootste draadlose maatskappy volgens markwaarde is, die nuus Maandag in reaksie op navrae bevestig.
Die Johannesburg-gebaseerde maatskappy het sowat 5 400 mense in diens en die verlagings sal op alle vlakke van die maatskappy wees, het hulle gesê.
Vodacom het onlangs aangekondig dat hul jaarlikse prysverhoging vir beide fibre en kontrakte vanaf 1 April 2024 in werking sal tree.
Dit is ongelukkig geen ‘April-gekgrap’ nie …
Intussen is Vodacom steeds in sy saak gewikkel met ‘Please Call Me’ idee-man Kenneth Nkosana Makate.
Kenners het gewaarsku dat as die selfoonreus gedwing word om hul voormalige werknemer enigsins naby die bedrae wat in die media gesproke is te betaal – van tot R29 miljard – dit beslis tot prysstygings en werkverliese sal lei.
Die amptelike werkloosheidsyfer in Suid-Afrika is ongeveer 32,1% .
Matthew Parks, woordvoerder van Cosatu, was nie beïndruk deur die jongste nuus nie en het gesê: “Ons sal alle alternatiewe vir afleggings nastreef.
“Vodacom het massiewe winste gemaak en daar is geen regverdiging om ‘n enkele werker af te lê nie.”
Vodacom se netto inkomste het in die ses maande geëindig 30 September 2023 met 9% tot R8,5 miljard gestyg, terwyl koste met 37% tot R28 miljard gestyg het.
By watter selfoonverskaffer teken jy in?
Laat weet ons deur ‘n e-pos aan info@thesouthafrican.com te stuur of ‘n WhatsApp te stuur na 060 011 021 1
LEES: DA vra meer stemlokale in buiteland aan: Datum vir hofsaak vasgestel
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
