Broers vermoor toe hulle op Facebook-advertensie reageer

Polisie sê twee broers is Saterdag koelbloedig doodgeskiet nadat hulle op ʼn advertensie op Facebook gereageer het en in ʼn lokval gelei is.

DIE BROERS IS SATERDAG KOELBLOEDIG DOODGESKIET

Volgens polisie woordvoerder kolonel Priscilla Naidu het die broers van St. Albans in Nelson Mandelabaai gereageer op ʼn advertensie vir ʼn televisie op Facebook se Marketplace.

Dié broers is omstreeks 12:20 Saterdag na die huis in Ceru-straat in NU 5 in Motherwell om die televisie op te laai.

HULLE HET OP ‘N FACEBOOK-ADVERTENSIE REAGEER

“Die inwoners van die huis het gesê dit is nie hulle wat die advertensie geplaas het nie en dat hulle geen kennis dra daarvan nie. Terwyl hulle nog by die huis was, het twee verdagtes hulle genader en die broers beroof en doodgeskiet.”

het Naidu gesê.

Lees ook: Kafue Nasionale Park: Bejaarde toeris sterf nadat olifant voertuig aanval

Naidu het gesê die Oos-Kaapse polisie ondersoek die moord op Kyle (30) en Aaron Alberts (19).

DIE BROERS IS IN ‘N LOKVAL GELEI

Dié broers se bakkie, selfone en kontant is gesteel. Die bakkie is later naby die toneel opgespoor.

Die provinsiale ondersoekeenheid vir ernstige en gewelddadige misdaad in Gqeberha ondersoek twee sake van moord.

Die polisie het die publiek gewaarsku oor die gevare verbonde aan aanlyn transaksies.

DIE PUBLIEK WORD GEWAARSKU OOR DIE GEVARE VERBONDE AAN AANLYN TRANSAKSIES

“Ons doen ’n beroep op die publiek om versigtig en nougeset te wees wanneer sosialemediaplatforms gebruik word om aankope te doen.

“Verifieer die geloofwaardigheid van verkopers, doen transaksies op veilige plekke en oorweeg dit om wetstoepassing te betrek indien jy onseker is.”

‘VERIFIEER DIE GELOOFWAARDIGHEID VAN VERKOPERS’

Generaal.majoor. Vuyisile Ncata, polisiehoof van die Nelson Mandelabaai-polisiedistrik, het sy medelye met die broers se familie betuig en gesê die polisie is daartoe verbind om geregtigheid te laat geskied.

LEES: Mapisa-Nqakula bedank as speaker van die Nasionale Vergadering