Bejaarde egpaar vermoor in plaasaanval
Polisie sê die liggame van die bejaarde egpaar, ʼn 76-jarige man en sy 73- jarige vrou is op ʼn plaas naby Glen in die Vrystaat ontdek.
Die liggame van ʼn 76-jarige man en sy 73- jarige vrou is op ʼn plaas naby Glen in die Vrystaat ontdek.
‘N BEKOMMERDE BUURMAN HET DIE POLISIE ONTBIED
Vrystaatse polisiewoordvoerder sersant Mahlomola Kareli sê ʼn bekommerde buurman het die Glen-polisie Saterdag ontbied nadat hy nie die bejaarde egpaar telefonies in die hande kon kry nie.
“In die huis was daar bloed op die vloer. Die opstal is geplunder, maar die bejaarde egpaar was nie daarbinne nie,” sê hy.
Lees ook: Ma kap glo 18-jarige seun in rolstoel se kop af
IN DIE HUIS WAS DAAR BLOED OP DIE VLOER
‘n Soektog vir die egpaar is geloots.
Volgens Kareli is die man se liggaam sowat 300 m weg van die plaashuis gekry. Sy vrou se liggaam is in ʼn septiese tenk op die plaas aangetref.
Albei slagoffers het oop wonde aan die bolyf gehad en hulle is op die toneel dood verklaar. Gereedskap en elektroniese items is onder meer uit die huis gesteel.
DIE VROU SE LIGGAAM IS IN DIE SEPTIESE TENK OP DIE PLAAS GEKRY
Die bejaarde egpaar se Toyota Land Cruiser is naby Majwemasweu by Brandfort gevind.
Die Glen-polisie ondersoek sake van moord en huisroof. Die soektog na die aanvallers duur voort, maar niemand is nog aangekeer nie.
ALMAL HET OOP WONDER AAN DIE BOLYF GEHAD
Enigiemand met inligting kan kolonel Ben Bolsiek van die polisie se provinsiale eenheid vir ernstige en geweldsmisdaad by 082 466 8530 bel.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
