Soektog na vermiste man steeds op dreef 

Die polisie sê die soektog duur voort na ‘n stapper, Allister Stanbull wat op 29 April laas gesien is. 

STANBULL IS LAAS OP 29 APRIL GESIEN

Stanbull wat ‘n ywerige stapper is, se voertuig is in ‘n parkeerarea by Silvermyn-reservaat gevind. 

Die polisie saam met ander nooddienste het Vrydag ‘n gesamentlike soektog op die staproetes geloods.

“In die geval van enige ontdekking, het ons geweet dit is noodsaaklik om enige potensiële misdaadtoneel te beskerm en om te verhoed dat enige vorm van bewyse gekontamineer word,” het JP Smith, verduidelik.

“Ons duikers van Brand en Redding het saam met dié van SAPD se duikeenheid, sowel as SAPD K9-eenheid, van hul soek-en-redding gewerk. 

“Ons hommeltuig-spanne het saam met ons provinsiale EBW hommeltuig-spanne gewerk, waar alle pogings behoorlik gekoördineer en ter plaatse gedokumenteer is, vanaf ons Ramprisikobestuur, mobiele gesamentlike operasionele sentrum.”

Lees ook: Bejaarde egpaar vermoor in plaasaanval 

DIE POLISIE EN NOODDIENS SPANNE HET VRYDAG ALLE STAPROETES DEURSOEK

Teen 14:00 het spanne alle staproetes, die damgebied en alle omliggende terrein afgelê. 

Tot dusver is geen tekens ontdek nie, en die soektog duur voort.

Stanbull het op 29 April sy huis in sy Renault Kwid verlaat en het nog nie teruggekeer huis toe nie.

HY HET VIR SY VROU GESê HY GAAN STAP

Volgens polisiewoordvoerder, sersant Wesley Twigg het hy vir sy vrou gesê hy gaan stap. 

“Alistair het Maandag vir sy vrou gesê hy gaan stap en het sy perseel in Steenberg verlaat en nooit teruggekeer nie. Sy voertuig is op Dinsdagoggend 30 April op Ou Kaapse Weg gevind. Ten tyde van sy verdwyning het hy ‘n grys langmou-t-hemp en kakie-stapbroek aangehad,’ het Twigg gesê.

Enigiemand wat weet waar Stanbull hom bevind, kan die polisie bel.