Wêreld se oudste termietheuwels in SA gevind
Wetenskaplikes het die wêreld se oudste termietheuwels langs die Buffelsrivier in Namakwaland, Suid-Afrika gevind.
Wetenskaplikes het glo die wêreld se oudste, bewoonde termietheuwels langs die Buffelsrivier in Namakwaland, Suid-Afrika ontdek.
DIE TERMIETHEUWELS IN LANGS DIE BUFFELSRIVIER ONTDEK
Volgens ‘n berig deur Maroela Media, dateer dié heuweltjies, ’n verbysterende 34 000 jaar terug.
Die termietheuweltjies word deur die suidelike stropertermiet, Microhodotermes viator, bewoon, verduidelik die hoofskrywer van die navorsingstudie, dr. Michele Francis, ʼn buitengewone senior dosent by die departement grondkunde in die fakulteit agriwetenskappe aan die Universiteit Stellenbosch (US).
LEES OOK: Wintersonstilstand: Vandag is die kortste dag van die jaar
“Onlangse radiokoolstofdatering het aan die lig gebring dat hierdie heuweltjies baie ouer is as wat voorheen bekend was, met sommige wat so ver as 34 000 jaar terug strek – dit is ouer as die ikoniese grotskilderye in Europa en selfs ouer as die laaste gletsermaksimum, toe groot ysplate ’n groot deel van die Noordelike Halfrond bedek het.”
DIE TERMIETHEUWELS WORD STEEDS DEUR TERMIETE BEWOON
Francis sê die heuweltjies word steeds deur termiete bewoon, en die radiokoolstofdatering van die organiese koolstof binne hierdie heuwels het ouderdomme getoon wat wissel van 13 000 tot 19 000 jaar, terwyl die karbonaat of koolsuursout tot 34 000 jaar terugdateer.
Dit maak die Buffelsrivierheuwels die oudste aktiewe termietheuwels wat tot dusver met organiese en anorganiese koolstof gedateer is.
Die vorige oudste bewoonde heuwels van verskillende spesies uit Brasilië is 4 000 jaar oud.
DIT IS OUER AS DIE IKONIESE GROTSKILERYE IN EUROPA
“Om dit in perspektief te stel: Hierdie termietheuwels was al antiek toe mammoete nog op die aarde gewandel het. Gedurende die laaste gletsermaksimum sowat 20 000 jaar gelede, het massiewe ysplate dele van Noord-Amerika, Europa en Asië bedek.”
sê Francis.
Volgens Francis was hierdie heuweltjies toe reeds duisende jare oud en verskaf ’n lewende argief van omgewingstoestande wat ons wêreld gevorm het.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
