Koning Charles III is met kanker gediagnoseer
Koning Charles III is gediagnoseer met 'n vorm van kanker wat ontdek is tydens sy onlangse behandeling vir 'n vergrote prostaat. Beeld via Instagram (@theroyalfamily)

Tuisblad » Leefstyl » Bekendes » Koning Charles III is met kanker gediagnoseer

Koning Charles III is met kanker gediagnoseer

Koning Charles III is gediagnoseer met ‘n vorm van kanker wat ontdek is tydens sy onlangse behandeling vir ‘n vergrote prostaat.

06-02-24 05:42
Koning Charles III is met kanker gediagnoseer
Koning Charles III is gediagnoseer met 'n vorm van kanker wat ontdek is tydens sy onlangse behandeling vir 'n vergrote prostaat. Beeld via Instagram (@theroyalfamily)

Koning Charles III is met ‘n vorm van kanker gediagnoseer, sê Buckingham-paleis .

Volgens die BBC- webwerf is dit nie prostaatkanker nie, maar is ontdek tydens sy onlangse behandeling vir ‘n vergrote prostaat.

Die tipe kanker is nie bekend gemaak nie, maar volgens ‘n paleisverklaring het die King Maandag met “gereelde behandelings” begin.

LEES OOK | President Ramaphosa lewer Donderdag 8 Februarie die SONA

Buckingham-paleis sê koning Charles III “bly heeltemal positief oor sy behandeling en sien daarna uit om so gou moontlik na volle openbare diens terug te keer”.

Hy sal sy openbare verbintenisse uitstel en daar word verwag dat ander senior koninklikes sal help om vir hom in te staan tydens sy behandeling.

Geen verdere besonderhede word oor die stadium van kanker of ‘n prognose gedeel nie.

Vir baie soorte kanker, verhoog die kans om dit te kry met ouderdom. Britse syfers dui daarop dat gemiddeld elke jaar meer as ‘n derde (36%) van nuwe kankergevalle in mense van 75 jaar en ouer was.

LEES OOK | 2024-verkiesing: Ontleders verwag dat ANC se steun tot onder 50% sal daal

Hierdie is ‘n ontwikkelende storie …