Randvriendelike lande om te besoek as jy op ‘n begroting is

Met die rand wat nie ‘n baie sterk geldeenheid is nie, is baie Suid-Afrikaners op soek na randvriendelike vakansiebestemmings.

Hier volg internasionale lande wat jy kan oorweeg as jy na die buiteland wil reis maar by ‘n begroting moet hou.

LEES OOK: Faf de Klerk en sy vrou Miné verwag ‘n baba

RANDVRIENDELIKE EILANDVAKANSIE

Volgens Linda Koekemoer van Travel Break is Mauritius dalk nie die goedkoopste bestemming vir Suid-Afrikaners nie, maar daar is verskeie alles-insluitende aanbiedinge wat jy volgens jou begroting kan oorweeg. Mauritius is ‘n vier uur lange vlug vanaf Suid-Afrika en Suid-Afrikaners het nie ‘n visum nodig om die eiland te besoek nie, volgens Sanlam Reality.

Gemiddeld is kos en vervoer effens meer bekostigbaar in Mauritius as in Suid-Afrika. Klere en vermaak kos egter meer in Mauritius.

LEES OOK: Trump poog om Republikeinse presidensiële benoeming te verseker

AVONTUUR IN ASIë

Thailand is ‘n gewilde vakansiebestemming vir Suid-Afrikaners. Volgens Sanlam Reality is vlugte na Bangkok of Phuket nie baie duur nie en is die wisselkoers ook in Suid-Afrikaners se guns. Suid-Afrikaanse paspoorthouers ontvang ‘n gratis toeristevisum van ses weke met aankoms.

Sommige gemiddelde pryse wat jy in Thailand kan verwag, volgens Numbeo:

• ‘n Ete vir een persoon by ‘n goedkoop restaurant – ฿100 (= R53,20)
• ‘n Driegangmaaltyd vir twee mense by ‘n middelklasrestaurant – ฿427 (= R227,18)
• ’n 1,5 liter-bottel water – ฿16,32 (= R8,68)

TURKSE VAKANSIE

Die Turkye eVisa bied ‘n gerieflike manier vir Suid-Afrikaanse paspoorthouers om na Turkye te reis. Dit maak die aansoekprosedure vinniger en doeltreffender, volgens iVisa.

Die gemiddelde prys vir ‘n retoervlug van Johannesburg na Istanbul is sowat R10 000.

‘n Kaasburger van ‘n kitskosrestaurant kos sowat 24 Turkse lire (= R 15,09) en ‘n enkel bioskoopkaartjie sal jou 55 Turkse lire (= R 34,58) kos.

KLIK HIER OM NOG ARTIKELS DEUR MARZANNE JANSE VAN RENSBURG TE LEES