Wenke om Britse Burgerskap te kry

Sodra jy in die Verenigde Koninkryk aanland is dit reeds tyd om te begin beplan aan jou roete na Britse burgerskap. Die pad na Britse burgerskap  kan ingewikkeld wees, daarom het Breytenbachs Immigration Consultants ‘n paar wenke opgestel vir migrante. Hierdie wenke kan ‘n handige gids wees om te volg in die tyd tot jy kwalifiseer om aansoek te doen vir permanente verblyf en Britse burgerskap. 

• Bly in kontak met jou konsultant by Breytenbachs  

Die Britse immigrasie reëls en regulasies verander voortdurend. Dit is daarom belangrik om in kontak te bly met jou konsultant by Breytenbachs. Hulle sal sorg dat jy ingelig word oor enige veranderinge in die reëls of regulasies wat jou roete na Britse burgerskap kan beïnvloed. In gevalle waar jy nie meer kan kwalifiseer nie, sal hulle sorg dat ‘n alternatief gesoek word. 

• Ken die reëls van jou huidige visum 

Dit is baie belangrik dat jy al die reëls van jou huidige Britse visum verstaan en volg. Elke visum het sy eie reëls en moontlike beperkings op hoe lank jy kan werk, die tipe werk, jou toegang to voordele ensovoorts. Indien jy onseker is oor enigiets, sal dit die beste wees om met Breytenbachs te gesels. Indien jy die reëls van jou visum verbreek, selfs uit onkunde, kan dit jou benadeel wanneer jy aansoek doen vir ‘n verlenging van jou visum, of vir jou permanente verblyf. 

• Moenie jou huidige visum laat verval nie 

Een van die belangrikste dinge om te onthou is om te sorg dat jou visum nooit verval nie. Indien jy langer bly in die VK as wat jou visum geldig is, kan dit baie nadelige gevolge hê vir enige verdere visum of burgerskap aansoeke. Hou tred met jou visum se vervaldatum en praat vroegtydig met jou konsultant by Breytenbachs om te verseker dat daar genoeg tyd is om aansoek te doen vir ‘n verlenging of vir jou permanente verblyf. 

• Maak seker jou paspoort verval nie 

Maak seker wanneer jou paspoort verval, en sorg dat jy dit betyds hernu! ‘n Paspoort wat verval het kan onnodige spanning en oponthoude veroorsaak. 

• Hou belangrike dokumente veilig 

Sorg dat jy al jou belangrike dokumente veilig bêre. Dit kan relevante dokumente insluit soos bankstate, huur-ooreenkomste, huweliksertifikate, geboortesertifikate en des meer. Praat met jou konsultant by Breytenbachs om seker te maak jy hou al die nodige rekords wat nodig is om jou visum te verleng, of vir jou aansoek vir permanente verblyf en burgerskap. Hoe meer georganiseerd en voorbereid ‘n mens is, hoe makliker is die volgende visum aansoek. 

• Wees ‘n goeie migrant! 

Sorg dat jy ‘n goeie migrant is. Sorg dat jy jou belasting en NI (National Insurance) verpligtinge getrou en betyds nakom. Om te wys dat jy van ‘goeie karakter’ is, is een van die vereistes van Britse burgerskap. Dit is daarom belangrik dat jou belasting  en NI betalings op datum is. 

• Bly uit die moeilikheid 

‘n Skoon kriminele rekord is baie belangrik vir jou permanente verblyf en burgerskap aansoeke. ‘n Kriminele rekord kan ‘n ernstige struikelblok wees. Indien jy egter wel ‘n kriminele rekord gekry het in jou tyd in die VK, praat dadelik met jou konsultant by Breytenbachs, sodat hulle jou kan probeer help. 

• Spaar geld vir die aansoekfooie 

Die aansoekfooie vir permanente verblyf en Britse burgerskap is ongelukkig baie duur. Dit is dus belangrik om te spaar, sodat jy nie onder onnodige finansiële druk is wanneer die tyd kom om aansoek te doen nie. 

• Hou ‘n rekord van al jou reise buite die VK 

Wanneer jy aansoek doen vir permanente verblyf en Britse burgerskap, moet jy bewys dat jy ‘n sekere aantal dae binne die VK was. Dit is daarom belangrik dat jy akkurate rekords hou van al jou reise buite die VK. Praat met jou konsultant by Breytenbachs vir meer inligting. 

Hoe Breytenbachs jou kan help 

Indien jy wil aansoek doen vir jou permanente verblyf of Britse burgerskap sal Breytenbachs jou kan help. Breytenbachs het ervare konsultante wat sal verseker dat jou aansoek seepglad verloop! Kontak die betroubare naam in Immigrasie.  

Besoek ons webblad by www.bic-immigration.com, of stuur ‘n e-pos aan info@bic-immigration.com.

Vrywaring

Neem kennis dat die inligting in hierdie artikel nie professionele advies is nie. Dit word slegs vir algemene inligtingsdoeleindes verskaf sonder enige waarborge van enige aard, hetsy uitdruklik of stilswyend.

LEES VOLGENDE: Ramaphosa amptelik weer ingesweer as president van Suid-Afrika