Wenke om voor te berei vir eksamens
Wenke om voor te berei vir eksamens. Foto: Freepik

Tuisblad » Leefstyl » Wenke om voor te berei vir eksamenstyd

Wenke om voor te berei vir eksamenstyd

Eksamentyd is ‘n belangrike tyd vir elke leerder op skool en universiteit. Daar is wel baie wenke vir jou as jy voorberei vir eksamens.

12-02-24 11:48
Wenke om voor te berei vir eksamens
Wenke om voor te berei vir eksamens. Foto: Freepik

Elke jaar is daar baie druk op leerders om voor te berei vir eksamentyd en dan alles te onthou op eksamendag vir elke vak. Met 2023 herskryf van matriekeksamens wat op pad is in Mei/Junie en volle 2024 matriekeksamens nie lank daarna nie, moet jy al klaar begin dink aan voorbereiding vir elke vak. Ons het 10 wenke om voor te berei vir jou volgende eksamentyd in 2024.

Hier is jou 10 eksamen-voorbereidingswenke

Tydsbestuur

Daar is twee dele van tydsbestuur vir leerders. Die voorbereiding deur die jaar en die voorbereiding net voor eksamentyd.

Baie leerders prop-studeer net voor eksamentyd en word oorweldig ment informasie wat net meer stresvol kan wees en dan is dit maklik om alles te vergeet. Die rede hoekom daar huiswerk is, is nie net om verder te leer op jou eie tyd nie, maar opsommings te maak oor die vak wat jy studeer. Gebruik die tyd wat jy huiswerk doen om hierdie opsommings te maak, wat tydsbestuur sal verbeter net voor eksamentyd.

Volgende is wanneer eksamentyd op jou voorstoep staan. Jy sal jouself bedank as jy al klaar jou leermiddels gemaak het, wat dan vir jou kans gee om ‘n leerrooster te maak wanneer jy jou eksamenrooster gekry het. Op skool, skryf jy amper elke dag ‘n nuwe vak wat dit moeilik maak om tyd te kry vir al jou leerwerk. Wanneer jy nie opsommings het om te maak nie, gaan jy baie makliker kan leer en onthou.

LEES OOK: Ses skoolmeisies is dood in grusame Vrystaatse busongeluk

Sorteer jou leerspasie uit

Dit is belangrik dat jy op ‘n stil plek leer en dat daar genoeg spasie is vir jou om al jou boeke en opsommings voor jou te sit. Sekere leerders luister na musiek, maar dit kan baie steurend wees vir leerders wat aan aandag tekort ly.

Maak seker dat daar nie net spasie is nie, maar dat dit gemaklik genoeg is om te sit en soms te staan, maar nie so gemaklik dat jy aan die slaap sal raak nie, so probeer om nie naby ‘n bed te studeer nie.

Jou waterbottel, penne, notaboeke, lêers, handboeke en ander leermiddels moet by mekaar reg staan vir elke vak sodat jy nie hoef te soek nie.

Drink genoeg water en eet gesond

Gedurende eksamentyd kan mens gou moeg voel en gryp na kafeïen of energie drankies.  Sulke drankies kan jou dalk vir ‘n oomblik wakker laat voel, maar die moegheid gaan gou weer terugkom.  Probeer liewer meer water drink. 

As jy gedehidreer is, kan jy ongemaklik voel, jy kan hoofpyne kry en hidrasie is direk gekoppel aan kognitiewe vermoë.

Jou brein het gesonde kos nodig om te funksioneer en die werk behoorlik te memoriseer. Soet lekkers kan jou vinnig weer moeg en tarn laat voel.

Meer proteïen sal die brein help om langer te fokus en jou langer versadig laat voel sodat jy nie afgelei word deur hongerte nie. Soms kan kougom jou hongerte ook laat wegbly, maar hou aan water drink.

LEES OOK: Jeug maak 77% van nuwe kiesersregistrasies uit, sê die Verkiesingskommissie

Skryf terwyl jy leer

Sorg dat jy kleurpenne en highlighters gebruik wanneer jy leer vir die eksamen.  Soos wat jy die werk hardop leer moet jy dit ook neerskryf.  Gebruik jou opsommings en skryf jou werk oor en oor sodat jy dit makliker kan onthou. Onthou wel om die selfde kleur penne te gebruik sodat jy dit beter kan onthou.

Werk met ‘n studiegroep

Die best studiegroepe is die wat verskeie leerders met verskeie sterkpunte het. Maak seker dat elke persoon hulle werk en opsommings voor die tyd gereed het sodat almal voorberie is. ‘n Goeie studiegrop kan vir mekaar hulle werk leer en almal kan saam deur ou vraestelle gaan en na die tyd saamwerk om swakpunte na te sien.

LEES OOK: Matriek eksamenuitslae: Slaagsyfers vergelyk deur die jare

Verduidelik vir iemand wat jy geleer het

Soos om opsommings te maak, kan jy vir iemand verduidelik wat jy geleer het. In ‘n studiegroep, kan jy vir almal op ‘n natuurlike manier verduidelik wat jy geleer het en selfs op ‘n bord skryf. Dit gee ook kans vir almal om hulle stanpunte te gee en sodoende leer almal verder.

Jy kan ook vir iemand wat glad nie die vak ken nie die werk verduidelik. Dit kan jou kry om die werk op ‘n eenvoudiger manier te sien, wat makliker is om te onthou.

Skryf ou vraestelle

Soms is vraestelle redelik dieselfde, wat jou kans gee om soveel te oefen as wat jy kan. Gee jouself die selfde omgewing van toetsdag sodat jy nie net seker maak dat jy al jou voorbereidings gedoen het nie, maar vrae op ‘n ander manier kan sien, veral as dit verskillende vraestelskrywers was.

LEES OOK: Hernasien en herkontrolering van NSS-eksamenskrifte se sperdatum en fooi

Vat genoeg ruskanse

Soms dink mens dat jy ure lank met jou neus in ‘n boek moet sit, maar ruskanse is goed vir jou brein. Dit gee jou kans om alles in te neem wat jy gelees het, jy kan jou waterbottel vol maak, kos eet en bietjie strek om weer gemaklik te voel. Al die rondbeweeg gee jou brein ook kans om weer baie suurstof in te kry, veral as jou rustyd aktief is.

Op eksamendag

Niks is erger as om in die eksamenlokaal te sit en agter te kom dat jou pen nie werk nie, of dat jy jou sakrekenaar vergeet het nie.  Die aand voor die eksamen moet jy seker wees jou pen werk en dat jy ander penne het om op terug te val.  Afhangende van die vak wat jy skryf, maak seker jy het alles wat jy nodig het om te skryf.  Moenie die oggend voor die tyd rondhardloop op soek na iets wat jy nodig het nie.  Dit gaan net onnodige spanning op jou plaas.  

LEES OOK: Sperdatum vir aansoek om ‘n 2023 matriekeksamen herskryf is VANDAG

Eksamentyd is stresvol genoeg, so goeie voorbereding, gesonde keuses en kammeraadskap met jou studiegroep voor skryftyd gee vir jou die beste kans om te presteer. Gebruik die wenke en maak elke dag meer suksesvol.