Wil jy in Duitsland werk?
Lees hier om meer uit te vind oor Duitsland se nuwe permit vir werksoekers van lande buite die Europese Unie.
Baie Suid-Afrikaners wat professionele werksgeleenthede soek, het na Duitsland verhuis, die land met Europa se sterkste ekonomie.
Duitsland het dit makliker gemaak vir inwoners van lande buite Europa om in hulle land te woon en te werk. Dus, in ‘n poging om geskoolde werkers na hul ekonomie te lok, sal Duitsland hul land meer vriendelik vir buitelanders maak.
VAARDIGHEIDSTEKORT
Soos ander lande in Europa, staar Duitsland ‘n tekort aan geskoolde werkers in die gesig. Hulle is dus van plan om die probleem op te los deur toegang vir gekwalifiseerde professionele persone van buite die Europese Unie (EU) te vergemaklik.
Vroeër vanjaar het die Duitse regering ‘n wet goedgekeur wat dit makliker maak vir geskoolde werkers van buite die EU om na Duitsland te verhuis.
EuroNews berig dat die nuwe wet na verwagting in drie fases in werking sal tree: in November 2023, Maart 2024 en Junie 2024.
LEES OOK: Wenke vir goedkoper vakansies
WERKSGELEENTHEID – CHANCENKARTE
Duitsland beoog om hul tekort aan geskoolde werkers te oorkom met ‘n nuwe ‘geleentheidskaart’. Die ‘chancenkarte’ sal ‘n puntestelsel gebruik om werkers met vaardighede daarheen te laat beweeg.
Tans moet die meeste nie-EU-burgers ‘n werkaanbod hê voordat hulle na Duitsland kan verhuis. Die land se immigrasieproses is egter vasgevang deur rompslomp.
‘n Visum vir werksoekers bestaan reeds, maar die nuwe ‘chancenkarte’ sal na verwagting dit makliker en vinniger maak vir mense wat werksgeleenthede in Duitsland soek.
VEREISTES
Die punte-gebaseerde stelsel neem kwalifikasies, professionele ervaring, ouderdom, taalvaardighede en verbindings met Duitsland in ag.
Elke jaar sal kwotas vasgestel word, bepaal deur watter sektore werkers benodig. Drie uit vier van die volgende kriteria moet nagekom word om vir die skema aansoek te doen:
- ‘n Graad of beroepsopleiding
- Drie jaar professionele ondervinding
- Taalvaardighede of ‘n vorige verblyf in Duitsland
- Om onder 35 jaar oud te wees
LEES OOK: Pick n Pay stel eerste ‘zero-waste’ winkel in Kaapstad bekend
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
