Klerksdorp pa ernstig beseer toe geyser ontplof
‘n Geliefde pa van Klerksdorp is ernstig beseer toe ‘n geyser ontplof het en die kokende warm water oor hom gespat het.
‘n Geliefde pa van Klerksdorp is ernstig beseer toe ‘n geyser ontplof het en die kokende warm water oor hom gespat het.
KLERKSDORP PA ERNSTIG BESEER TOE GEYSER ONTPLOF
Dié fratsongeluk het verlede week gebeur. Charmain en Willie Hurn se geyser by die huis het ontplof en die kokende warm water het binne sekondes oor Willie gespat.
Volgens ‘n berig deur Klerksdorp Record het Charmain vertel Willie (53) het in hul huis se die dak klim om te kyk hoekom water deur die dak drup.
Dit was nie lank nie toe hoor sy ‘n harde slag en Willie wat gil van pyn.
Lees ook: Ballito-ma pleit skuldig op moord van dogtertjie (4)
SY HET ‘N HARDE SLAG GEHOOR EN WILLIE WAT GIL VAN PYN
“Hy het om hulp geroep en ek kon die pyn en skok in sy stem hoor. Die geyser het gebars en al daai kokende water het oor hom gespat. Hy het gebrand tot by sy lieste en sy een hand het ook gebrand soos hy probeer keer het.
“Dit is sekerlik derdegraadse brandwonde. Toe moes ons hom nog uit die dak kry en die leer breek toe ook nog. Die duiwel was listig by my,”
vertel sy ‘n dag na die voorval aan Klerksdorp Rekord.
WILLIE WAS SO WIT SOOS ‘N LAKEN EN IN BAIE PYN
Volgens Charmain was Willie so wit soos ‘n laken en in vreeslike pyn.
Willie is in die hospitaal se brandeenheid opgeneem en sy is vol lof oor die behandeling wat hy daar kry.
‘n Hulpfonds is intussen gestig om die familie finansieël te help.
Lees ook: R500 000 beloning aangebied vir inligting oor vermiste Joslin Smith (6)
D’N HULPFONDS IS VIR DIE FAMILIE GESTIG
“Soos julle almal weet, het my papppa 3de graadse brandwonde opgedpen die 4de Maart 2024 toe ñ geyser ontplof bo hom.
“Ons vra vandag, nederig om as julle dit oor julle harte kan kry- om asseblief ñ donasie te maak. Dit kan enige bedrag wees, elke sent sal help.
“Soos julle weet bly my ouers op ñ plaas, en hulle veiling besigheid staan tans stil omrede ons gefokus is op pappa,” het Tanya Hurn, Wille se dogter op haar Facebook gesê.
In ander nuus, het twee vroue moedig teen ‘n 4 meter krokodil geveg om ‘n man uit sy kake te red op ‘n plaas langs Avontuurweg tussen Middelburg en Loskopdam.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
