Vroue red man van krokodilaanval op plaas

In ‘n skokkende voorval op ‘n plaas langs Avontuurweg tussen Middelburg en Loskopdam het twee vroue moedig teen ‘n 4 meter krokodil geveg om ‘n man uit sy kake te red.

VROUE RED MAN VAN KROKODILAANVAL OP PLAAS

Volgens ‘n berig Witbank Nuus is Anthony Joubert, bekend as ‘Antonie’, aangeval terwyl hy probeer het om ‘n vis wat op ‘n boomtak in enkeldiep water gevang is, vry te laat.

Lees ook: R500 000 beloning aangebied vir inligting oor vermiste Joslin Smith (6)

Sy vrou Annalize en vriendin Bianca van der Colff het die gru-toneel aanskou en hom te hulp gesnel en die krokodil met ‘n stomp op die kop geslaan.

Bianca se driejarige seuntjie het ’n entjie verder in die modder gebid het.

‘N DRIEJARIGE SEUNTJIE HET ‘N ENTJIE VERDER IN DIE MODDER GEBID

Die aanval het laat Saterdagmiddag tydens ‘n gesinsuitstappie plaasgevind.

Opgewondenheid het in verskrikking verander toe die krokodil skielik uit die water stoot en sy kake om Anthony se maag en heupe vasklem.

Ten spyte van desperate pogings om hom te bevry, het die krokodil sy greep behou totdat Annalize en Bianca ingegryp het en stomp houe teen sy kop toegedien het.

DIE KROKODIL HET ANTHONY LAAT GAAN EN ONDER DIE WATER VERDWYN

Te midde van die chaos het die driejarige Janco in die modder gebid terwyl Johan, Bianca se man, skote afgevuur het in ‘n poging om die roofdier af te skrik.

Wonder bo wonder het die krokodil Anthony vrygelaat en onder die water verdwyn. Johan het Anthony vinnig na ‘n hospitaal vervoer, op verraderlike terrein om hom mediese aandag te kry.

Lees ook: Ballito-ma pleit skuldig op moord van dogtertjie (4)

Anthony het ernstige beserings opgedoen, insluitend gapende wonde op sy maag, lies en bobeen.

HY HET ERNSTIGE BESERINGS OPGEDOEN, INSLUITENDE GAPENDE WONDE

Ondanks aanvanklike behandeling het infeksie ingetree, wat verdere mediese sorg genoodsaak het.

Sy familie bly aan sy sy, dankbaar vir die vinnige optrede wat sy lewe gered het in die aangesig van gevaar.