Oud-Bittereinder Devon Hofmeyr skuif na politiek

Oud-Bittereinder Devon Hofmeyr het sy skuif na politiek Woensdag by sy Pretoriase restaurant en kroeg, Eendracht Pub and Grill, aangekondig.

OUD-BITTEREINDER DEVON HOFMEYR SKUIF NA POLITIEK

Hofmeyr het die UIM se planne vir Suid-Afrika tydens ʼn kort mediakonferensie uiteengesit en onderneem om die land en sy jong mense weer op die regte koers te help kry.

“Ons is geduldig, maar hoor my lied, die UIM sal die nuwe leierskap van Suid Afrika wees.

“Die uurglas vir swak leierskap het leeg geloop. Onder die UIM Jeug sal ons slegs die sterkste leiers na vore bring, leiers wat ons jong mense nie sal mislei, vervreem of skaam maak nie.”

HY IS NOU DIE NASIONALE JEUGLEIER VAN DIE UIM POLITIEKE PARTY

Saam met hom was sy meisie, Nikita Joubert, asook Yusuf Young, die UIM se nasionale veldtogkoördineerder.

Lees ook: Hofmeyr en Petzer in die hof weens openbare geweld

Hofmeyr het Vrydag aangekondig dat hulle genoeg handtekeninge gekry het en dat die UIM in die nasionale verkiesing gaan staan.

Hy het gesê sy skuif na die politieke arena is iets wat al twee jaar aan die broei is.

HOFMEYR Sê DIE SKUIF IS IETS WAT AL TWEE JAAR AAN DIE BROEI IS

Hoewel daar talle politieke tuistes is, is die UIM die een waarmee Hofmeyr hom die meeste vereenselwig, veral die party se Christelike waardes.

Hofmeyr meen die party is nie skaam om in die openbaar te verkondig dat God aan die stuur is nie. Hy vind ook aanklank by die party se leierskap en politieke benadering.

“Jong mense praat nie meer oor politiek nie. Daar is ʼn gesegde wat lui ‘in ons huis praat ons nie sport en politiek nie’. Ons moet wegdoen daarmee.

“Ons moet jong mense se koppe regkry vir politiek sodat ons hierdie land bitter vinnig kan draai en werklik verander.”

LEES OOK: DA se Steenhuisen lê kriminele klagte teen Paul Mashatile

‘ONS SIT IN ‘N SKIP EN IS BESIG OM DIE SKIP NET ONDER OP TE PATCH’

Hy beplan om ʼn lang pad – tot in die parlement – met die UIM te stap en te help om onder meer korrupsie uit wis, werkskepping te bevorder en ʼn vreedsame Suid-Afrika vir alle landsburgers daar te stel.

As voormalige lid van die Bittereinders het Hofmeyr hom as aktivis hoofsaaklik vir die regte van Afrikaners as ʼn minderheidsgroep beywer.

“Ons sit in ʼn skip en is besig om die skip net onder op te patch. Dis tyd dat ons die patcheslos. Ons moet tot op die dek stap, die kaptein van die skip verwyder en die stuur oorneem.”

het Hofmeyr gesê.