Sesjarige steek motor aan die brand

‘n Sesjarige seuntjie van Waterloo, KwaZulu-Natal het onlangs sy ouers se Mercedes Benz-sportnutsvoertuig aan die brand gesteek.

DIE SESJARIGE HET IN DIE VOERTUIG GESPEEL

Volgens Reaction Unit South Africa (Rusa) se woordvoerder Prem Balram het die voorval Donderdagmiddag plaasgevind.

Lees ook: Kyk: Grootwithaai opgemerk in vlak waters in Hartenbos

ʼn Inwoner het RUSA omstreeks 15:32 gekontak en hulp ontbied. Die voertuig het in ligte laaie gestaan toe Rusa-beamptes by die toneel opgedaag het.

HY HET ERKEN DAT HY VUURHOUTJIES GEBRUIK HET OM VOERTUIG AAN BRAND TE STEEK

“Volgens die eienaar het die voertuig meganiese probleme ondervind en het parkeer gestaan in die erf in Pricklepearweg.

“Haar sesjarige seun het in die voertuig gespeel toe ʼn brand uitgebreek het. Hy het erken dat hy vuurhoutjies gebruik het om die voertuig aan die brand te steek.”

het Prem Balram gesê.

Lees ook:

BRANDBESTRYDERS KON GOU DIE BRAND BLUS

Brandbestryders het kort daarna by die toneel opgedaag en die brand geblus.

Ongelukkig was die hele voertuig uitgebrand.