Soektog by Hartbeespoortdam ná man oorboord val
’n Man word steeds gesoek nadat hy oorboord geval en onder die water verdwyn het by die Hartebeespoortdam.
Die Nasionale Seereddingsinstituut (NSRI) soek sedert Saterdagmiddag saam met polisieduikers na ’n man in die Hartbeespoortdam in Noordwes nadat hy oorboord geval en onder die water verdwyn het.
SOEKTOG BY HARTEBEESPOORTDAM NA MAN OORBOORD VAL
Volgens die NSRI woordvoerder, Craig Lambinon was ‘n groep vriende na bewering op die boot naby die Caribbean-landgoed toe die man en twee vriendinne oorboord geval het.
Die omstandighede van die voorval is nie bekend nie, maar volgens die owerhede het die boot nie ten tyde van die voorval gevaar nie.
Die twee vriendinne is uit die water gehaal en albei is ongedeerd.
DIE TWEE VRIENDINNE IS UIT DIE WATER GEHAAL
Die man het egter onder die water verdwyn en private bootvaarders wat in daardie stadium in die omgewing was, het na die man begin soek en alarm gemaak.
Lambinon het gesê die NSRI span is omstreeks 14:30 na die dam ontbied.
’n Soektog het sedertdien nog niks opgelewer nie.
DIE SOEKTOG HET SEDERTIEN NOG NIKS OPGELEWER NIE
Polisieduikers, bygestaan deur NSRI en SRU, gaan voort met ‘n deurlopende soektog.
“Ons gedagtes is by die familie en vriende van die vermiste man in hierdie moeilike tyd,”
het Lambinon gesê.
Die man se familie en vriendinne word deur beraders bygestaan terwyl die soektog voortduur.
In ander nuus het ‘n ma van Balito het skuldig gepleit op die moord op haar vierjarige dogtertjie Layla.
BALITO-MA PLEIT SKULDIG OP MOORD VAN DOGTERTJIE (4)
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
