Bejaarde man dood weke ná honde aanval

‘n Bejaarde man is twee weke nadat hy deur twee honde in Oos-Londen verskeur is in die hospitaal dood.

DIE GRUSAME AANVAL HET VROEëR DIE MAAND GEBEUR 

Volgens ‘n berig deur Maroela Media is dié 82-jarige man is weens ʼn hartaanval in ʼn hospitaal oorlede. 

Die skokkend voorval het Vrydag 4 Mei om 08:30 in die Stirling-woonbuurt plaasgevind. 

Lees ook: Polisie red ietermagog uit stropers se kloue 

DIE BEJAARDE MAN IS DEUR DIE TWEE HONDE AAN SY ARMS EN BENE GEGRYP 

ʼn Boerboel en ʼn rifrug-boerboel-kruising het uit die erf ontsnap nadat hul eienaar by die hek uitgery het en die man aan die arm en bene gegryp. 

Die berig sê die man het glo by familie in die omgewing gekuier en het in die straat verbygeloop toe die honde hom bestorm. 

HY HET BLOOT IN DIE STRAAT VERBY GELOOP TOE HULLE HOM BESTORM 

Jason Mcdowell, DA-raadslid sê hy is van die voorval op ʼn WhatsApp-groep in kennis gestel en na die toneel ontbied. 

“Beamptes (sekerheidsmaatskappy en paramedici) het die man in die straat agter die huis waar hy gekuier het, aangetref. Hy was in totale skok gewees en is dadelik na ʼn hospitaal geneem,” het Mcdowell gesê. 

DIE HONDE IS VERWYDER EN VAN KANT GEMAAK NA DIE AANVAL 

Die Dierebeskermingsvereniging (DBV) is ook ontbied en die twee honde is van die perseel verwyder. 

Die honde is van kant gemaak en die oorskot is na die staatsveearts gestuur om vir moontlike hondsdolheid te toets.