Bekende slangvanger sterf ná Kaapse kobra hom pik

’n Bekende slangvanger van Stellenbosch is Sondag dood nadat ’n Kaapse kobra hom verlede week Woensdag gepik het.

Die 39-jarige Rico Pentz het die Helderberg Wildlife Rescue and Anti Animal Cruelty gestig. 

LEES OOK: Uber Eats-kliënt spandeer R33k op een bestelling!

Meegevoel het op sosiale media ingestroom. Nuus oor sy dood is gedeel oor onder meer Boland Slangverwyderings 24/7 en Plaagbeheer, Slange van Suider-Afrika, Squirrel Rescue & Rehab, Pringle Bay Rewilding, en Crime Fighters Helderberg Basin.

Hy is ook voorheen deur slange gepik.

“Jy het ’n beseerde voël, bel Rico; jy het ’n beseerde hond, bel Rico; jy het ’n benoude rob, bel Rico; jy het ’n slang op jou eiendom, bel Rico; enige beseerde wilddier, bel Rico. 

“Ongelukkig is daar nie meer ’n roeping vir Rico nie. Dit is met ‘n hartseer hart en trane wat oor my wange rol dat ek hierdie berig skryf. 

“Ons bekende diereliefhebber en redder, Rico Pentz, is ongelukkig vanmiddag oorlede.

“Rico was ‘n vriend en ook ‘n mentor vir my persoonlik, en as ek net daaraan dink, het ons nooit daaraan gesteur om enige foto’s saam te neem nie, hahaha, so ek kan nie eers ‘n foto van ons saam plaas nie. 

“Die hele Helderberg en die Wes-Kaap het ’n ikoon verloor, ’n ware betekenis van die woord diereliefhebber/versorger/redder. 

“Nie net ‘n ware diereliefhebber nie, maar ‘n selfs beter versorger en man/man/pa-figuur vir sy gesin by die huis.” 

het Blackie Swart van Snake Relocation Services gesê.

LEES OOK: Terwyl beurtkrag verkeersligte tref, kry Johannesburg 200 nuwe verkeersopsigters

MEDELYE STROOM IN OP SOSIALE MEDIA

Verlede jaar is Rico deur ‘n pofadder gebyt.