DA lê SAMRK-klag teen President Cyril Ramaphosa in
Empty plate. Image by flickr/www.quotecatalog.com/

Tuisblad » Nuus » DA lê SAMRK-klag teen President Cyril Ramaphosa in

DA lê SAMRK-klag teen President Cyril Ramaphosa in

Die Demokratiese Alliansie is vasbeslote dat president Cyril Ramaphosa rekenskap moet gee dat hy nie die kinders van Suid-Afrika gevoed hou nie.

DA lê SAMRK-klag teen President Cyril Ramaphosa in
Empty plate. Image by flickr/www.quotecatalog.com/

Die DA het ‘n formele klag by die Suid-Afrikaanse Menseregtekommissie teen president Cyril Ramaphosa gelê, wat hom aan die kaak stel vir byna 5 miljoen van SA se kinders wat honger ly.

LEES OOK: Ervaar SA die ergste hittegolf sedert middel 1800’s?

UITHONGER KINDERS

Volgens die jongste State of the South African Child-verslag deur die Nelson Mandela-kinderfonds ly 4,8 miljoen van die land se 20 miljoen kinders honger.

Die DA het verklaar dat Ramaphosa versuim in sy geswore ampseed om die behoeftes van Suid-Afrika voor ander belange te stel en dat hierdie rampspoedige situasie die gevolg is van pure nalatigheid en minagting van die lot van SA kinders aan die kant van Ramaphosa.

LEES OOK: WAAR sal polisiepadblokkades hierdie feestyd aktief wees?

DA SE BRIEF AAN DIE PRESIDENT

Partyleier van die DA, John Steenhuisen, het gesê: “Op 8 September 2022 het ek aan die President geskryf en hom versoek om dapper en onmiddellik op te tree om Suid-Afrika se groeiende hongerkrisis te versag. In daardie brief het ek verskeie maniere uiteengesit waarop dit gedoen kan word. Dit sluit in die hersiening van die lys van nul-gegradeerde kosse, met die oog daarop om hoender met been, babakos en ander items wat die meeste deur lae-inkomste huishoudings gekoop word, in te sluit.”

LEES OOK: Byna 70 skepe wag in Durbanhawe

OPROEP VIR OUDIT VAN SKOOLVOEDINGSPROGRAMME

Die DA het in Mei vanjaar ’n beroep op die minister van basiese onderwys, Angie Motshekga, gedoen om ’n oudit van al die Nasionale Skoolvoedingsprogramme (NSVP) in al die provinsies in te stel . Dit was nadat dit aan die lig gekom het dat leerders in KwaZulu-Natal en die Oos-Kaap gedwing is om honger te ly omdat dié departemente versuim het om te verseker dat skole kos het om maaltye te voorsien.

KLIK HIER OM NOG ARTIKELS DEUR MARZANNE JANSE VAN RENSBURG TE LEES