Gestorwe SANW-soldate word teruggebring huis toe vanaf DRK

Die liggame van twee soldate van die Suid-Afrikaanse Nasionale Weermag (SANW) is terug op eie bodem.

Kaptein Simon Mkhulu Bobe en onderkorporaal Irven Thabang Semono het hul lewens verloor toe ‘n bom op hul militêre basis beland het. Drie ander soldate is in die voorval beseer.

Hulle is op ‘n sending as deel van die Suider-Afrikaanse Ontwikkelingsgemeenskap in die Demokratiese Republiek van die Kongo ontplooi.

VEG VIR VREDE IN DRK

Minister van verdediging, Thandi Modise, het met die SAUK gepraat en gesê die missie is om vrede en stabiliteit in die streek te bring. Om Kongolese burgers ‘n kans te gee op ‘n normale lewe en vir dié in die buiteland om terug te keer huis toe as hulle dit sou wou doen.

LEES OOK: Prime Hydration-energiedrankie se prys daal van R800 tot R10

Sy sê omdat die DRK die tuiste van 26 van die 28 belangrikste minerale ter wêreld is, sal die konflik nie gou eindig nie.

“Ons rol is om ruimte te probeer skep vir die verskillende mense in die DRK. Om saam te kom, vrede onder mekaar te vind. Julle kan nie vrede vind as julle aan mekaar se kele is nie”, sê Modise.

“Ons rol gaan eerder ’n bietjie daaroor om te stabiliseer en toestande te skep waar mense kan teruggaan huis toe. Waar kinders kan teruggaan skool toe en waar vrouens op die plaasgrond kan boer vir die kos wat hulle nodig het.”

“Waar die DRK-mense regoor die wêreld weer kan teruggaan huis toe en sê ons is tuis. Dit is belangriker vir enige liggaam wat in ‘n oorlogsverskeurde was as enigiets anders. Om die grond van jou voorvaders aan te raak en jou eie naam te besit,” het sy afgesluit.