Het Thabo Bester gevra vir die doodstraf?

In ‘n lagwekkende wending het die veroordeelde moordenaar en verkragter Thabo Bester gevra dat hy ter dood veroordeel word.

HY HET WOENSDAG SELF DIE HOOGGEREGSHOF IN BLOEMFONTEIN TOEGESPREEK

Bester het Woensdag in handboeie self die hooggeregshof in Bloemfontein toegespreek.

Ek voel dit is onregverdig vir die mense wat hier sit, my sogenaamde medebeskuldigdes, om in die hof te wees, terwyl ek goed weet hulle het niks te doen met die saak nie. Die mense wat werklik betrokke is, is bekend,” het hy in ʼn lang, soms onsamehangende relaas gesê.

BESTER HET GEVRA DAT HY TER DOOD VEROORDEEL WORD

Hy het onder meer gevra dat hy ter dood veroordeel word en dat die hof sy ander medebeskuldigdes vrylaat.

“Ek staan voor die hof as ʼn gebroke mens; ek kry trane in my oë dat hierdie mense swaar kry vir iets waarmee hulle niks te doen gehad het nie. Ek vra dat as die publiek en die vervolging seker is van my skuld, hulle in ʼn petisie versoek dat ek die doodstraf gegee word.”

Dit kom nadat Bester se soveelste regsverteenwoordiger hom boonop aan die saak onttrek.

BESTER SE SOVEELSTE REGSVERTEENWOORDIGER HET HOM AAN DIE SAAK ONTTREK

Adv. Mohammed Seedat het glo gesê hy kan nie behoorlik konsulteer met Bester nie en dat hy ook geen geld ontvang het nie.

Bester en Nandipha Magudumana en hul sewe medebeskuldigdes se saak het Woensdag in die Vrystaatse hooggeregshof begin het.

Thabo Bester asking for a death sentence to be imposed on him pic.twitter.com/T8rbLlf26q

— Shonny (@Shonny_SA) June 5, 2024

Bester dien lewenslange tronkstraf uit vir twee aanklagte van verkragting en een van moord.

HY DIEN TANS LEWENSLANGE TRONKSTRAF

Hy het in Mei 2022 uit die tronk ontsnap, glo met die hulp van Magudumana en verskeie tronkbeamptes.

Altesame 16 aanklagte staar die beskuldigdes in die gesig, waaronder bedrog, korrupsie, hulp aan ʼn gevangene om te ontsnap en lykskending.

Lees ook: Man skuldig bevind ná hy bejaarde stamp

Bester het vroeër vanjaar gekla oor die kos wat hy in die aanhoudingselle ontvang het.

Hy is glo is ʼn diabeet en die maaltye het ʼn suikerpiek veroorsaak.

BESTER HET VROEëR VANJAAR GEKLA OOR DIE KOS EN KLERE

Bester het ook gekla dat hy nie toegelaat word om die klere wat hy hof toe wil dra, te kies nie.

Tydens vorige hofverskynings was Bester in duur handelsmerke, waaronder Burberry en Louis Vuitton, geklee. Woensdag het hy in ʼn gewone wit gholfhemp verskyn.