Man skuldig bevind ná hy bejaarde stamp

‘n Johannesburg man, Dylan Ferreira is skuldig bevind op aanklag van aanranding op die 80-jarige Lucille Oosthuysen van Kiblerpark.

DIE VOORVAL SPRUIT UIT ‘N DISPUUT OOR ‘N STEL DUPLIKAATSLEUTELS

Volgens Barry Bateman, woordvoerder van AfriForum se privaatvervolgingseenheid, het dié voorval op 5 Augustus verlede jaar in Mayfield in die suide van Johannesburg plaas gevind. 

 Dit ná ʼn dispuut oor ʼn stel duplikaatsleutels vir ʼn eiendom wat Ferreira (29) en sy verloofde, Kay-Leigh Pelser, by die Oosthuysen-egpaar gehuur het.

FERREIRA HET VIR OOSTHUYSEN SO HARD GESTAMP DAT SY OP DIE PLAVEISEL BELAND HET

 Die argument het daartoe gelei dat Ferreira vir Oosthuysen so hard gestamp het dat sy op die plaveisel beland het

Dylan Ferreira is vandeesweek in die Booysens-landdroshof skuldig bevind op aanklag van aanranding met die doel om ernstig te beseer nadat hy die aangeval het. Die saak spruit uit ʼn ,

In die hof het Ferreira, ʼn verkoopsbestuurder by ʼn BMW-handelaar in Johannesburg, getuig hy het opgetree uit selfverdediging.

HY BEWEER HY HET SELFVERDEDIGING OPGETREE

Adv. Gerrie Nel, hoof van die privaatvervolgingseenheid, sê hy is tevrede met die uitspraak.

“‘ʼn Boelie het gekry wat hy verdien. Ons het by hierdie saak betrokke geraak omdat die NVG weer eens ʼn slagoffer in die steek gelaat het. Die latere aanstelling van ʼn briljante jong aanklaer [Lungile Mazibane] en ʼn sterk bekwame landdros, asook ons betrokkenheid, het verseker dat geregtigheid geskied.” 

Ferreira sal op 5 Junie gevonnis word.