Kaapstad is die tiende gevaarlikste stad ter wêreld

Die statistieke is gebaseer op die moordsyfer per 100 000 inwoners van elke stad. 

KAAPSTAD NIE VER AGTER MEXIKO NIE

Volgens Statista was Kaapstad se moordsyfer in 2023 64 mense per elke 100 000 mense in die stad. Boaan die lys was Celaya in Mexiko met 109,39 moorde per 100 000 mense. Die ander stede, nie in Suid-Afrika of Mexiko nie, op die top 10-ranglys, is St. Louis in die VSA, en Fiera de Santana in Brasilië.

LEES OOK: Visserman in Jeffreysbaai deur haai aangeval

SA SE HOË MISDAADSYFERS

Die huidige statistieke van World Population Review toon dat Suid-Afrika die derde hoogste misdaadsyfer ter wêreld het. Daar is ‘n aansienlik hoë koers van aanrandings, verkragting en ander geweldsmisdade. Bydraende faktore sluit in armoede, ongelykheid en normalisering van geweld.

Volgens Cape Town Today het 6 945 Suid-Afrikaners tussen Julie en September 2023 aan moord beswyk. Genocide Watch het berig dat SA die wêreld se derde hoogste moordsyfer het, wat ses keer die Amerikaanse gemiddelde is.

LEES OOK: Ministers werk saam om die elektrisiteitskrisis op te los

JOERNALIS ONTDEK DONKER KANT VAN KAAPSTAD

Donal MacIntyre, ’n ondersoekende joernalis, het Kaapstad besoek om ondersoek in te stel na waarna hy verwys as “die greep van ’n gewelddadige misdaadgolf” en het sy bevindinge einde verlede jaar in ’n YouTube-video gepubliseer. Hy het in sy video gesê dat byna 3 000 mense per jaar in Kaapstad vermoor word – dit is meer as driedubbel die getal in die hele VK.

Kaapstad is oorstroom met goedkoop vuurwapens, dwelms en bendebedrywighede.

MacIntyre sê sy “reis na Kaapstad se onderbuik was ’n wrede ontnugtering” en dat “daar ’n gevoel van konstante angs is”. 

KLIK HIER OM NOG ARTIKELS DEUR MARZANNE JANSE VAN RENSBURG TE LEES