Negejarige vermoor glo skoolseun ná rusie
ʼn Negejarige seun in die Vrystaat het ʼn tienjarige seun glo Woensdagmiddag doodgesteek. Hier is meer inligting.
ʼn Negejarige seun van Brandfort in die Vrystaat het ʼn tienjarige seun glo Woensdagmiddag by hul terugkeer van die skool af doodgesteek.
‘N BAKLEIERY HET GLO TUSSEN DIE TWEE LEERDERS UITGEBREEK
Polisie woordvoerder Kaptein Stephen Thakeng sê by die polisie se aankoms op die toneel het hulle afgekom op die tienjarige kind wat nog in sy skooldrag was.
Hy het ʼn steekwond aan die linkerkant van sy bors gehad. Die paramedici het ʼn mes van vlekvrye staal met ʼn swart handvatsel op die grond uitgewys.
Also read: Ma kap glo 18-jarige seun in rolstoel se kop af
Die seun is deur die paramedici op die toneel dood verklaar. ʼn Vrou het die oorledene as haar seun geïdentifiseer.
DIE 10-JARIGE IS OP DIE TONEEL DOOD VERKLAAR
Thakeng sê die voorlopige ondersoek toon dat ʼn bakleiery tussen die twee seuns uitgebreek het.
Die negejarige seun het glo ʼn mes by sy ouerhuis daar naby gaan haal en die tienjarige seun na bewering daarmee gesteek.
Albei is gr. 4-leerders van verskillende laerskole in Brandfort.
DIE TWEE LEERDERS IS VAN VERSKILLED SKOLE IN BRANDFORT
Die polisie se ʼn geregtelike doodsondersoek is begin en die negejarige kind is in die sorg van sy ouers gelaat.
ʼn Maatskaplike werker is aan die saak toegewys.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
