Olifant vertrap veldgids in Wes-Kaapse wildreservaat
’n Veldgids by die Gondwana Privaat Wildreservaat in die Wes-Kaap is Sondag deur ’n olifant vertrap.
Die 36-jarige gids David Kandela by Gondwana Privaat Wildreservaat is die naweek deur ‘n olifant vertrap, het die Mossel Bay Advertiser Maandag berig.
Gondwana is in die Herbertsdale-omgewing geleë – binneland vanaf Mosselbaai van die N2 af.
Volgens ‘n persverklaring van die wildtuin het die voorval op Sondag, 10 Maart gebeur toe “een van die reservaat se olifanttroppe vreedsaam deur die Gondwana Tented Eco Camp gegaan het.”
“Die trop, vriendelik van aard, het amper deur die kamp gegaan toe David die laaste olifant teëgekom het, net voor die tragiese gebeurtenis plaasgevind het,” lui die verklaring.
Kandela van Zimbabwe het op 8 Desember 2023 by Gondwana Wildreservaat se span veldgidse aangesluit.
Hy het naatloos by die gemeenskap geïntegreer en ‘n diep passie vir sy werk getoon, het Gondwana opgemerk.
Die risiko’s om met wild te werk
“Daar is ‘n inherente risiko om saam met wilde diere te werk en die realiteit van so ‘n voorval, wat die verlies van ‘n kollega tot gevolg het, is baie hartseer.”
Die verklaring van Godwana het verder gesê: “Sy ontydige heengaan laat ‘n leemte binne die Gondwana-familie, aangesien David nie net ‘n kollega was nie, maar ook ‘n bron van warmte en kundigheid onder sy eweknieë.”
“Ons harte en gedagtes bly by David se familie en vriende gedurende hierdie uiters moeilike tyd. Gondwana belowe om almal te ondersteun wat deur hierdie tragiese voorval geraak is.”
Die mees suidelike olifante
Godwana Wildreservaat se webwerf beskryf die reservaat se olifante as die mees suidelike geleë olifanttrop ter wêreld. Hulle is ook die eerste kudde wat weer in ‘n Fynbos- en Renosterveldstreek gevestig is.
“Ons Bewaringsdepartement het hul gewoontes en dieet in hierdie omgewing bestudeer; beide die olifant en Fynbos trek voordeel uit die weiding en vreet van hierdie mega-herbivoor,” sê die reservaat.
“Ons is uiters trots om die eerste wilde olifante in 200 jaar te hê wat in die Suid-Kaap gebore is.”
LEES: Waarom is genaturaliseerde Suid-Afrikaanse burgers nie geregtig op ID-kaarte nie?
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
