Oud-onderburgemeester van Wes-Kaapse munisipaliteit kry 5 jaar tronkstraf vir seksuele aanranding

‘n Voormalige onderburgemeester van Oudtshoorn Munisipaliteit, in die Wes-Kaap, is tot vyf jaar gevangenisstraf gevonnis vir die seksuele aanranding van ‘n werknemer in sy kantoor.

Mlandeli Abednico Nyuka is Maandag 26 Februarie deur die Oudtshoorn-landdroshof gevonnis vir sy tweede skuldigbevinding aan seksuele aanranding, “met dieselfde modus operandi [MO]”.

LEES OOK: Wes-Kaap stel eerste vroulike hoof van tesourie aan

Oud-onderburgemeester se MO vir seksuele aandranding

“Die aanklaer, Mervan Saaiman, het aan die hof gesê Nyuka het op die betrokke dag die klaer in sy kantoor ingeroep en die kantoordeur gesluit. Hy het eers probeer om haar te manipuleer deur te sê dat hy sal toesien dat sy by die werk bevorder sal word. Hy het toe voortgegaan om haar rok op te lig, sonder haar toestemming aan haar privaat dele geraak.

“Gelukkig het die telefoon gelui, en die beskuldigde het dit geantwoord. Die klaer het toe die kans gekry om uit die kantoor te kom en na buite gehardloop. Sy was geskok oor die voorval. Nyuka was die onderburgemeester van die Oudtshoorn Munisipaliteit, en sy het in sy kantoor gewerk,” het Eric Ntabazalila, woordvoerder van die Nasionale Vervolgingsgesag (NVG) in die Wes-Kaap, in ‘n verklaring gesê.

Meer om te volg