Polisie red ietermagog uit stropers se kloue
Die polisie het vyf mense aangekeer nadat hulle glo ʼn ietermagog op Cullinan probeer smous het. Hier is die nuutste inligting.
Vyf mense aangekeer nadat hulle glo ʼn ietermagog op Cullinan probeer smous het.
DIE GROEP HET GLO ‘N IETERMAGOG PROBEER SMOUS
Volgens polisiewoordvoerder ao. Johan van Dyk, het die intelligensiegedrewe operasie is Vrydag deur die Cullinan-polisie se eenheid vir veediefstal en bedreigde spesies, verskeie ander polisie-eenhede en die Gautengse verkeerspolisie van stapel gestuur nadat inligting oor die beoogde transaksie ontvang is.
Hy sê nadat vasgestel is dat die transaksie Vrydag sal plaasvind, is ʼn operasionele span gevorm en strategies in die omgewing van die plek waar dit sou plaasvind, gevestig.
Lees ook: Negejarige vermoor glo skoolseun ná rusie
‘N OPERASIONELE SPAN IS GEVORM
Twee voertuie het by die afgespreekte plek aangekom en die gevestigde span het drie verdagtes in een van dié voertuie in hegtenis geneem, sê Van Dyk.
“Die tweede voertuig het weggejaag toe hulle besef inhegtenisnemings word gedoen. ʼn Hoëspoed-jaagtog in die rigting van Mpumalanga het gevolg.”
Die voertuig is voorgekeer en die insittendes aangekeer. Die polisie het ook beslag gelê op die twee Toyota Corolla-voertuie waarin die verdagtes gereis het.
DIE VOERTUIG IS VOORGEKEER EN POLISIE HET ‘N IETERMAGOG GEKRY
Die ietermagog wat hulle glo probeer verkwansel het, was ongedeerd en is na ʼn wildlewe-skuiling geneem. Die vyf verdagtes word aangekla van oortredings ingevolge die Wet op Nasionale Omgewingsbestuur.
Hulle sal na verwagting Maandag in die hof verskyn.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
