Ramaphosa vereer Aziz Pahad met ‘n spesiale amptelike begrafnis
Aziz Pahad wat op die ouderdom van 82 oorlede is, is deur verskeie regeringsministers as ‘n volmaakte diplomaat beskou.
President Cyril Ramaphosa het die voormalige adjunkminister van buitelandse sake, Aziz Pahad, met ‘n spesiale amptelike begrafniskategorie 2 vereer.
Pahad, wat op Woensdag, 27 September in die ouderdom van 82 oorlede is, word Saterdag begrawe.
AZIZ PAHAD VEREER MET ‘N SPESIALE AMPTELIKE BEGRAFNIS
Pahad was ‘n anti-apartheidsvegter en voormalige Parlementslid, wat sy anti-apartheidsaktivisme in die Transvaalse Indiese Kongres uitgeoefen het en tussen 1964 en 1990 in ballingskap was. Hy het van 1994 tot 2008 as Adjunkminister van Buitelandse Sake gedien.
Pahad sal Saterdag by die West Park-begraafplaas in Johannesburg begrawe word.
LEES OOK: Wat kos dit om vandag ’n baba in Suid-Afrika te kry?
Die presidensie het in ‘n verklaring gesê president Cyril Ramaphosa sy innige meegevoel betuig met die uitgebreide Pahad-familildede wat kort opeenvolgend Aziz Pahad en sy broer, voormalige minister in die presidensie Essop Pahad, wat in Julie 2023 oorlede is, verloor het.
“Die Suid-Afrikaanse Polisiediens sal seremoniële elemente verskaf tydens die begrafnisdiens vir die voormalige Adjunkminister, wat môre om 10:00 by die West Park-begraafplaas in Johannesburg sal begin.
“President Ramaphosa het opdrag gegee dat vlae tot môreaand halfstok regoor die land gehys moet word,” het die presidensie in ‘n verklaring gesê.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
