![schengen-visumfooie](https://diesuid-afrikaner.com/wp-content/uploads/2024/02/visa-3-1024x576.jpg)
Schengen-visumfooie staar ‘n moontlike verhoging in die gesig
Die Europese Unie sê dat hulle van plan is om aansoekfooie vir Schengen-visums met tot 12% te verhoog.
![schengen-visumfooie](https://diesuid-afrikaner.com/wp-content/uploads/2024/02/visa-3.jpg)
Toeriste moet dalk meer geld opdok
Die Kommissie van die Europese Unie (EU) het aangekondig dat hulle die koste van Schengen-visumaansoekfooie gaan hersien.
Volgens Schengenvisa.info het die Kommissie voorgehou dat die fooi vir die Schengen-visumaansoek van €80 (R1 629,60) tot €90 (R1 833,30) vir volwassenes en van €40 (R814,80) na €45 (R916,65) vir kinders kan styg.
LEES OOK: SONA 2024: Nuwe reëls ingestel om chaos te help voorkom
Die EU-kommissie het in Desember verlede jaar ‘n vergadering oor die aangeleentheid gehou met kundiges van die Schengen-lidlande, waar die konsep oor die hersiening van die visumfooi bespreek is.
Die Kommissie het ook ‘n terugvoerinisiatief van stapel gestuur wat tot 1 Maart oop is, waar burgers van die EU hul menings oor die aangeleentheid sal kan deel, of hulle ‘n visumfooiverhoging ondersteun of nie.
LEES OOK: Zimbabwe skrap doodstraf 19 jaar ná die laaste teregstelling
Wat is Schengen-visumaansoekfooie en wie moet dit betaal?
Volgens Schengenvisa.info sal alle besoekers wat ‘n Schengen-gebied in Europa wil besoek, ‘n nie-terugbetaalbare administrasiefooi moet betaal wanneer hulle om hul Schengen-visum aansoek doen, sodat hul visumaansoek verwerk kan word.
LEES OOK: Alles is gereed vir 2024 SONA, sê die Parlement
Suid-Afrikaanse burgers moet die fooi in Suid-Afrikaanse rande betaal wanneer hulle die visumaansoek indien by die ambassade/konsulaat van die Schengen-land waarvoor hulle aansoek doen om binne Suid-Afrika te besoek.
Hulle is aanspreeklik om die fooie te betaal wanneer hulle aansoek doen vir ‘n korttermynvisum aan enige van die volgende Europese/Schengen-lande:
- Oostenryk
- België
- Kroasië
- Tsjeggiese Republiek
- Denemarke
- Estland
- Finland
- Frankryk
- Duitsland
- Griekeland
- Hongarye
- Ysland
- Italië
- Letland
- Liechtenstein
- Litaue
- Luxemburg
- Malta
- Nederland
- Noorweë
- Pole
- Portugal
- Slowakye
- Slowenië
- Spanje
- Swede
- Switserland
Dit is ook opmerklik dat hierdie visumfooie nie terugbetaalbaar is nie, of jy nou goedkeuring van die visum ontvang of nie.
Vir meer inligting, klik hier.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.