Skok oor vermiste vissermanne naby Houtbaai

Elf vissermanne word vermis nadat hul boot in die omgewing van Houtbaai gesink het.

‘N GROOTSKAALSE SOEKTOG DUUR VOORT

Barbara Creecy, minister van bosbou, visserye en die omgewing, het haarkok is uitgespreek. 

“Ons gedagtes en gebede is by die vermiste vissermanne en hul families terwyl ons wag op nuus van die soek-en-reddingsoperasie,” het Creecy gesê. Sy het haar dankbaarheid uitgespreek dat nege vissermanne gered kon word. 

 Die diepsee-vistreiler het Vrydag, sowat 30 seemyl van die Atlantiese kus in die omgewing van Houtbaai, in die moeilikheid beland en gesink. 

DIE DIEPSEE-VISTREILER HET IN DIE OMGEWING VAN HOUTBAAI IN DIE MOEILIKHEID BELAND

Volgens die Nasionale Seereddingsinstituut (NSRI) woordvoerder Craig Lambinon het hulle om 15:40 ʼn noodoproep ontvang dat die vistreiler besig is om te sink. 

Hy sê alle skepe in die gebied is dadelik gevra om hulp te verleen en minstens vyf vissersbote het die soekgebied help fynkam. 

Altesame nege van die 20 bemanningslede is oornag op ʼn reddingsboot gevind en aan boord van een van die visserskepe geneem. 

NEGE VAN DIE 20 BEMANNINGSLEDE IS OORNAG OP ‘N REDDINGSBOOT GEVIND

Hulle is nie beseer nie. 

Intussen duur die grootskaalse soektog voort na die vermiste vissermanne. 

Alan Winde, premier van die Wes-Kaap, het gesê sy kantoor het uitgereik om die nodige ondersteuning te bied. 

“Ek was ongelooflik dankbaar om te hoor dat nege bemanningslede suksesvol gered is. Ek hou beide die reddingspanne en dié wat nog vermis word in my gedagtes. Ek dink ook aan die families en die geliefdes van die wat vermis word.”

Lambinon gesê.

DIE NOODDIENSTE EN WETSTOEPASINGAGENTSKAPPE IS ONDER MEER OP BYSTAND GEPLAAS

Lambinon sê nog NSRI-vaartuie is ontplooi en die polisie se duikeenheid, Wes-Kaapse rampbestuur, die nooddienste en wetstoepassingsagentskappe is onder meer op bystand geplaas. 

Lees ook: George tragedie: Dodetal styg tot nege

Die Transnet-haweowerheid, hawebeheer en NSRI-beheerkamers het ook die Maritieme Reddingskoördineringsentrum gehelp om die logistiek en koördinering van die reddingsoperasie te hanteer. 

SKEPE IN DIE GEBIED IS GEVRA OM OP DIE UITKYK TE WEES

Drie vaartuie van die NSRI het saam met die vissersbote, ʼn vliegtuig en ʼn helikopter aan ʼn uitgebreide soektog na die 11 vermiste vissermanne in rowwe seetoestande deelgeneem. 

Albei reddingsbote van die vistreiler is intussen herwin. Alle skepe in die gebied is gevra om steeds op die uitkyk vir die vermiste vissers te wees.