SONA 2024 se datum word bevestig
Die datum vir die 2024 staatsrede (SONA) is bevestig. Waarop wil jy hê moet president Cyril Ramaphosa fokus?
President Cyril Ramaphosa sal die staatsrede (SONA) op Donderdag, 8 Februarie 2024 lewer.
Die toespraak sal voor ‘n gesamentlike sitting van die twee huise van die Parlement plaasvind.
SONA 2024 DATUM BEVESTIG
Volgens die parlement is die staatsrede ‘n belangrike mylpaal aangesien dit sekerheid bring aan die land se politieke, sosiale en ekonomiese landskap. Dit toon ook dat Suid-Afrika se demokrasie sterk bly.
In die toespraak sit president Cyril Ramaphosa die regering se belangrikste beleidsdoelwitte en -aflewerbares vir die jaar wat voorlê uiteen, vlag uitdagings en skets ingrypings om die nasie se potensiaal te ontsluit.
LEES OOK: Nuwe Eskom-baas sal vanaf 1 Maart sy amp beklee
Die SONA bied aan die President ‘n geleentheid om met die nasie te praat oor die algemene toestand van Suid-Afrika, om te besin oor ‘n wye reeks politieke, ekonomiese en sosiale aangeleenthede binne die binnelandse en globale kontekste, om aan die nasie verantwoording te doen oor die werk van die regering en om die regering se aksieprogram uiteen te sit.
Tradisioneel maak die President belangrike regeringsaankondigings tydens hierdie belangrike gesamentlike sitting van die Parlement.
LEES OOK: Ghaleb Cachalia verlaat DA oor demosie weens Palestina-uitlatings
PRESIDENT LEWER TWEE TOESPRAKE IN ALGEMENE VERKIESINGSJAAR
Volgens die webwerf van die Suid-Afrikaanse regering word in ‘n algemene verkiesingsjaar twee staatsredes gelewer.
Suid-Afrika hou vanjaar algemene verkiesings en die datum moet nog bevestig word, maar daar word verwag dat Suid-Afrikaners ‘n ekstra openbare vakansiedag sal kry om te kan gaan stem.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
